Украиналъул гIорхъабазда аскIоб байбихьулел руго Россиялъул рагъулазул ругьунлъиял

Украиналъул жанубиябгун машрикъалъул рахъалда ахIвал-хIал хIалуциналда бан, Россиялъ байбихьулел ругин рагъулазул ругьунлъиялин, лъазабуна Россиялъул Улка цIуниялъул министр Сергей Шойгуца.

Украиналъул бицунаго, Шойгуца абуна, гьениб «жиндирго улкаялъул ракълилаб халкъалде данде ярагъ хIалтIизабизе изну кьун, квер хьвагIун бугин». «Жакъа гьеб рагъулаб машина чIезабичIони, гьелъ рачине бегьулин хваразулги лъукъаразулги кIудияб къадаралдейин» жубана министрас.