Гьедин гьезул цо-цоял ракIги унтун азарханаялде ккун ругиланги буго бицен. Гьеб мехалда Сулеймановас абун бугила жиндиргун гьединал махсараби гьарун жо кколарилан. Жинца жинцаго балагьилин щив хъулухъазда тасдикъ гьавилев, щив гьавиларевали.
Гьелда бан ЭР-ялъ бухьен ккуна МахIачхъала шагьаралъул администрациялъул информациялъул бутIаялъул хIалтIухъан Зайнаб ГIалимирзаевалъулгун. Гьелъ абуна гIадамазда мекъи бичIчIун бугин Сулеймановас гьабураб хIукму, цIияв нухмалъулев вачIингун гъоркь рукIарал хъулухъчагIи гьес заманаялъ гьел ишал тIуралеллъун гьарунилан.
Зайнаб ГIалимирзаева: «Нижер хIалтIухъабаз гIарзаби хъвана нахъе ине ругилан. Гьелда рекъон, гьел ккола жиде-жидер бутIабазе заманаялъ нухмалъи гьабулел ругел чагIилъун. Гьезул щал хъулухъазда тасдикъ гьаризе ругелали хIалтIухъги цогидалъухъги балагьун ургъилин абуна Сулеймановас».
ЭР: «Сулеймановас Амировасул чагIазда мэриялдаса нух босизабизе рукIиналъул харбалги руго».
Зайнаб ГIалимирзаева: «Гьединаб информация нижехъе бачиIнчIоха жеги. Амма Сулеймановас абулеб бугоха республикаялъул нухмалъулев Рамазан ГIабдулатIиповасул хIалтIуда цадахъ рекъон церехун рилълъунел чагIи чIезе ругила гьанир хIалтIуда, хутIарал – гьечIила. ХIалтIухъаби цIияб низамалде рачунел руго.
ЦIикIкIун тIалабал руго цере лъолел. Сулеймановас тIоцебесеб къоялъго лъазабуна жинца кадразул рахъалъ революция гьабизе гьечIин, амма жив-живасул бажариялъухъги гъираялъухъги балагьун тезе ругила хъулухъазда».
ЭР: «Цо-цо хъулухъчагIи ракIги унтун азарханаялде ккун ругилан абураб хабарги буго».
Зайнаб ГIалимирзаева: «Щалниги кирениги ккун гьечIо. Инфаркт ккарал чагIиги рагIичIо. ГьабсагIаталда киналго хIалтIуда ругоха».
Жакъа къоялда МахIачхъала шагьаралъул администрациялда гьабун буго кIиго хиса-баси. РукIа-рахъиналъулгун коммуналияб магIишаталъул бутIаялъул нухмалъиялда вукIарав Бекеев абулев чиги нахъе вахъун, гьенив тун вуго Муртуз ГIумаров. СагIид Амировасул заманалдаги вукIана гьев гьеб хъулухъалда, цо заманалда нахъе витIун вукIана.
Муртуз ГIумаров ккола Каспийск шагьаралъул мэр Жамалудин ГIумаровасул вацги МахIачхъалаялъул цIияв мэрасул свериялдаса чиги.
Гьединго хисана информациялъул бутIаялъул нухмалъулевги. Цеве гьеб хъулухъалда вукIарав МухIамад ГIабдурашидов жиндиего бокьун гIарзаги хъван ана гьениса.
Гьесул бакIалда тана ПатIимат Ражабова. Гьей хIалтIулей йикIана президентасулгун хIукуматалъул гьединго Халкъияб Мажлисалъул пресс-хъулухъазда.
МухIамад ГIабдурашидовас жинцаго гIарза хъваялъе гIиллалъун гьес фейсбукалда лъураб информация кканин рикIкIуна цо-цояз. Масала, гьениб хъван букIана Ралъдахъанас (Сулеймановасул тIокIцIар) АРГясе (республикаялъул нухмалъулев) ришваталъе 2 млрд гъурущ кьун бугин жив мэрлъун таралъухъ.
Гьединлъидал гьелдаса хадуб ГIабдурашидовасда лъалаанин жив Сулеймановас хъулухъалда толаревлъи.
Амма живго МухIамад ГIабдурашидовасул рагIабазда рекъон, гьесда лъикIаблъун бихьана МуртазагIали Рабаданов нахъе ун хадув мэриялда хIалтIунгутIизе.
Гьанибго тIаде жубазе бегьула Сулейманов МухIамад СагIид Амировасул хIалтIул рокъов вугин гIодов чIунилан. Гъоркьисала 1 июналда туснахъ гьавун гьев вачун ун хадуб, низам цIунулез хасаб мугьруги чIван раха-къан букIана гьеб.
Заманаялъ гьенив тарав МуртазагIали Рабадановги батIияб бакIалда вукIана гIодов чIун. Гьанже Амировасул хIалтIул рукъ рагьана низам цIунулелги нугIзалги рачIун. Гьенир ратарал гьев бетIергьанал жалги рокъосезухъе кьезе росун ана.
Гьелда бан ЭР-ялъ бухьен ккуна МахIачхъала шагьаралъул администрациялъул информациялъул бутIаялъул хIалтIухъан Зайнаб ГIалимирзаевалъулгун. Гьелъ абуна гIадамазда мекъи бичIчIун бугин Сулеймановас гьабураб хIукму, цIияв нухмалъулев вачIингун гъоркь рукIарал хъулухъчагIи гьес заманаялъ гьел ишал тIуралеллъун гьарунилан.
Зайнаб ГIалимирзаева: «Нижер хIалтIухъабаз гIарзаби хъвана нахъе ине ругилан. Гьелда рекъон, гьел ккола жиде-жидер бутIабазе заманаялъ нухмалъи гьабулел ругел чагIилъун. Гьезул щал хъулухъазда тасдикъ гьаризе ругелали хIалтIухъги цогидалъухъги балагьун ургъилин абуна Сулеймановас».
ЭР: «Сулеймановас Амировасул чагIазда мэриялдаса нух босизабизе рукIиналъул харбалги руго».
Зайнаб ГIалимирзаева: «Гьединаб информация нижехъе бачиIнчIоха жеги. Амма Сулеймановас абулеб бугоха республикаялъул нухмалъулев Рамазан ГIабдулатIиповасул хIалтIуда цадахъ рекъон церехун рилълъунел чагIи чIезе ругила гьанир хIалтIуда, хутIарал – гьечIила. ХIалтIухъаби цIияб низамалде рачунел руго.
ЦIикIкIун тIалабал руго цере лъолел. Сулеймановас тIоцебесеб къоялъго лъазабуна жинца кадразул рахъалъ революция гьабизе гьечIин, амма жив-живасул бажариялъухъги гъираялъухъги балагьун тезе ругила хъулухъазда».
ЭР: «Цо-цо хъулухъчагIи ракIги унтун азарханаялде ккун ругилан абураб хабарги буго».
Зайнаб ГIалимирзаева: «Щалниги кирениги ккун гьечIо. Инфаркт ккарал чагIиги рагIичIо. ГьабсагIаталда киналго хIалтIуда ругоха».
Жакъа къоялда МахIачхъала шагьаралъул администрациялда гьабун буго кIиго хиса-баси. РукIа-рахъиналъулгун коммуналияб магIишаталъул бутIаялъул нухмалъиялда вукIарав Бекеев абулев чиги нахъе вахъун, гьенив тун вуго Муртуз ГIумаров. СагIид Амировасул заманалдаги вукIана гьев гьеб хъулухъалда, цо заманалда нахъе витIун вукIана.
Муртуз ГIумаров ккола Каспийск шагьаралъул мэр Жамалудин ГIумаровасул вацги МахIачхъалаялъул цIияв мэрасул свериялдаса чиги.
Гьединго хисана информациялъул бутIаялъул нухмалъулевги. Цеве гьеб хъулухъалда вукIарав МухIамад ГIабдурашидов жиндиего бокьун гIарзаги хъван ана гьениса.
Гьесул бакIалда тана ПатIимат Ражабова. Гьей хIалтIулей йикIана президентасулгун хIукуматалъул гьединго Халкъияб Мажлисалъул пресс-хъулухъазда.
МухIамад ГIабдурашидовас жинцаго гIарза хъваялъе гIиллалъун гьес фейсбукалда лъураб информация кканин рикIкIуна цо-цояз. Масала, гьениб хъван букIана Ралъдахъанас (Сулеймановасул тIокIцIар) АРГясе (республикаялъул нухмалъулев) ришваталъе 2 млрд гъурущ кьун бугин жив мэрлъун таралъухъ.
Гьединлъидал гьелдаса хадуб ГIабдурашидовасда лъалаанин жив Сулеймановас хъулухъалда толаревлъи.
Амма живго МухIамад ГIабдурашидовасул рагIабазда рекъон, гьесда лъикIаблъун бихьана МуртазагIали Рабаданов нахъе ун хадув мэриялда хIалтIунгутIизе.
Гьанибго тIаде жубазе бегьула Сулейманов МухIамад СагIид Амировасул хIалтIул рокъов вугин гIодов чIунилан. Гъоркьисала 1 июналда туснахъ гьавун гьев вачун ун хадуб, низам цIунулез хасаб мугьруги чIван раха-къан букIана гьеб.
Заманаялъ гьенив тарав МуртазагIали Рабадановги батIияб бакIалда вукIана гIодов чIун. Гьанже Амировасул хIалтIул рукъ рагьана низам цIунулелги нугIзалги рачIун. Гьенир ратарал гьев бетIергьанал жалги рокъосезухъе кьезе росун ана.