Сириялъул химикияб ярагъ тIагIинабиялда сверун НАТОялъулгун Россиялъул цадахъаб проект чIезабулеб буго

Украинаялда сверун бугеб ахIвал-хIалалда бан Россиялъулгун НАТОялъул сириялъул химикияб ярагъ тIагIинабулеб "Cape Ray" абураб гама цIуниялъул цадахъаб проект биххизабун буго.

Гьелъул хIакъалъулъ лъазабуна НАТОялъул генералияв секретарь хисулев Александр Вершбоуца. «Интерфаксалъе» интервью кьолаго, Вершбоуца лъазабуна, жидер ракI хун бугин нахъе гали гьабизе кколеб букIиналда банин.

Амма НАТОялъул вакилас лъазабуна, проекталде нахъ руссиналъул ресал хутIулел ругин. Гьес кIвар буссинабуна Сириялъул химикияб ярагъ тIагIинаби Россиялъулги Америкаялъулги гIаммаб интерес бугеб сфера букIиналде.