Украиналъул гIурхъаби цIунулеб Пачалихъияб идараялъ лъазабулеб буго Крымалъул бащдабчIинкIиллъи Россиялъул Краснодаралъул ракьгун цолъизабулеб бураналъул рахеналда цебе бронетехника бакIарун букIиналъул.
Украиналъул гIурхъаби цIунулез гьединго лъазабулеб буго Керчгун Севастополалда ралъдал гIурхъаби цIунулел къукъабазде тIадекIанцIиял гьарун ругинги. Гьезулго баяназда рекъон, гьел тIадекIанцIиял гьарун руго россиялъул аскарияз, амма гьезда рукIун гьечIо кинал аскаразул гьел ругелали бицунел ишараби.
ТIадекIанцIараз рекун руго гордал-нуцIби, хвезарун руго бехьеналъул алатал ва ярагъгун кодоб кьолел рукIун руго хIинкъаби. ГIурхъаби цIунулездаса тIадекIанцIараз тIалаб гьабулеб букIун буго Крымалъул цIияб нухмалъиялъе мукIурлъизе. Гьедин лъазабулеб буго Украиналъул гIурхъаби цIунулеб Пачалихъияб идараялъ.
Гьединго Россиялъул рагъулал гумузул кIудияб багъа-башари бихьулеб буго ЧIегIер-ралъдал акваториялда.
РБК –Украиналъ лъазабулеб буго гьенир ЧIегIер-ралъдал гуребги Балтиялъул ва Шималияб флоталъул гамулги ругин ва гьелъин абуни, Украиналда ЧIегIер-ралъдал флот букIиналда сверун Россиялъулгун Украиналъул къотIи-къай хвезабулеб бугин.
Украиналъул гIурхъаби цIунулез гьединго лъазабулеб буго Керчгун Севастополалда ралъдал гIурхъаби цIунулел къукъабазде тIадекIанцIиял гьарун ругинги. Гьезулго баяназда рекъон, гьел тIадекIанцIиял гьарун руго россиялъул аскарияз, амма гьезда рукIун гьечIо кинал аскаразул гьел ругелали бицунел ишараби.
ТIадекIанцIараз рекун руго гордал-нуцIби, хвезарун руго бехьеналъул алатал ва ярагъгун кодоб кьолел рукIун руго хIинкъаби. ГIурхъаби цIунулездаса тIадекIанцIараз тIалаб гьабулеб букIун буго Крымалъул цIияб нухмалъиялъе мукIурлъизе. Гьедин лъазабулеб буго Украиналъул гIурхъаби цIунулеб Пачалихъияб идараялъ.
Гьединго Россиялъул рагъулал гумузул кIудияб багъа-башари бихьулеб буго ЧIегIер-ралъдал акваториялда.
РБК –Украиналъ лъазабулеб буго гьенир ЧIегIер-ралъдал гуребги Балтиялъул ва Шималияб флоталъул гамулги ругин ва гьелъин абуни, Украиналда ЧIегIер-ралъдал флот букIиналда сверун Россиялъулгун Украиналъул къотIи-къай хвезабулеб бугин.