Мисралъул хIукумат хIалхьиялде ана

Мисралъул рагъулаб тIалъиялъ квербакъиялдалъун хIалтIулеб букIараб заманалъулаб хIукуматалъул вакилзабаз жидерго хъулухъал танин жидеего бокьун.

Гьадин лъазабуна телевидениялдаса Мисралъул премьер-министр Хазем Беблавица.

Щиб гьадинаб хIукмуялъе гIиллалъун ккарабали – дурус гьабун гьечIо.

Аl-Ahram абулеб пачалихъияб газетаялъул баяналда рекъон гьадинаб хIукму гьабун буго министрабаз Мисралъул улка цIуниялъул министр ГIабдель ФаттахI ас-Сисигун букIараб данделъиялдаса нахъе.

ГIемерисезул ракI чIун буго ас-Сиси президентасул хъулухъалде вачIине вукIиналда. Мисралъул президентасул рищиял рукIине руго исана апрель моцIалда.