Стамбулалда тIоритIун руго протесталъул акцияби

Шамат къоялъул маркIачIуда Стамбулалда туркиялъул полициялъ зар-азар демонстрантал рихха-хочинариялъе хIалтIизабуна магIу бачIинабулеб газ ва лъин. Протесталъул гIахьалчагIазе ракIалъе гIун гьечIо премьер-министр Реджеп Эрдоганил хIукуматалъ чIезарурал интернеталда хадуб контроль гьарибиялъул къагIидаби.

Диваналъул хIукму гьечIого вэб-сайтал къазе рес кьолеб къанун гъулбасун буго талат къоялда Туркиялъул президент ГIабдула Гюлица. Гражданиял хIаракатчагIи хIадуруллъулел руго протесталъул акцияб халат рахъинаризе.