Америкалъул хасаб хъулухъалъ – Имарат Кавказалъул хIакъалъулъ

Терроризмалде данде къеркьолеб Цолъарал Штатазул Миллияб Централъул директор Мэтью Олсеница талат къоялъ Конгрессалда цеве вахъун лъазабуна, мухIканго чIезарурал баяназда рекъон Сочиялда гьаб анкьида байбихьулеб Олимпиадаялда терактал гьариялъул хIинкъи хутIулеб бугин.

Ва аслияб хIинкъи щолеб бугин Имарат Кавказ абулеб багъа-бачариялдаса. Гьединал терактал спортивиял гурел - цогидал бакIазда рукIине рес бугин.