ЦIалул соналъул ахиралда Россиялъул киналго цIалдохъабаз кьола цогояб пачалихъияб экзамен. Гьенир гIемерал мекълъаби гьариялъул хIакъалъулъ араб соналъ гIемер бицана информалатаз.
Хасго гIемерал мекълъаби гьарулеб регионлъун рикIкIунеб буго Шималияб Кавказ. Гьединлъидал, исана гьеб суалалде кIудияб кIвар кьезе бугилан бицана Россиялъул лъайкьеялда хадуб халкколеб идараялъул нухмалъулев хисулев Анзор Музаевас.
Араб соналъ гьарурал гъалатIалги хIисабалде росун, исана цIиял къагIидаби ургъун руго гьеб идараялъ, цогояб экзамен кьолаго мекълъаби гьукъиялъул мурадалда. Анзор Музаевас рехсана лъабго батIияб тадбир.
ТIоцебесеб иргаялда, экзаменал кьолел бакIазде, школазде экзаменалъулал тIадкъаял ругел кагътал росизе руго «Спецсвязь» абураб хасаб идараялъул хIалтIухъабаз.
Рагьизеги руго гьел гьелго хIалтIухъабаз. Анзор Музаевасул рагIабазда рекъон, гьедин гьабулеб буго регионалиял лъай кьеялъул идарабазул хIалтIухъабаз мекълъаби гьарулел рукIун.
Экзаменазул хIасилалги гьебго хасаб бухьеналъул чагIаз росизе руго нахъе. КIиабилеб тадбир буго кинабго Россиялъего гIаммаб. Гьеб ккола киналго экзамен кьолел бакIазда ва гьезул хIасилал гьарулел бакIазда кIи-кIи видеокамера щула гьаби.
Кинабго улкаялдаго щибаб аудиториялда бугеб жоялъул трансляция гьабизе буго smotrite.ru абураб хасаб сайталде. Гьединго киналго видеоязул архив гьабизе буго.
Лъабабилеб тадбирги буго, жидеего экзамен кьезе бигьаяб бакIалде цIалдохъаби гочизе гьукъи.
Россиялъул информалатазда гьеб ишалда «ЕГЭ-туризм» абун цIар лъун буго. Дагъистаналда гIемерисеб мехалъ шагьаразда ругел цIалдохъаби уна росабалъе, гьениб экзаменалъухъ кьолеб ришват дагьаб букIун ва халкколезулгун къотIа-къай гьабизе бигьаяб букIун.
Дагъистаналъул лъай кьеялъул министерлъиялда «Эркенлъи» радиоялъе бицана жидеда лъалин 2014 соналъ цогояб экаменалда хурхун рукIине ругел цIиял тадбиразул хIакъалъулъ.
Рехсараб министерлъиялъул пресс-хъулухъалъул хIалтIухъан ПатIимат Ибрагьимовалъ «Эркенлъи» радиоялъе гьадин абуна:
Ибрагьимова ПатIимат: «Нижеда рагIана гьел тадбиразул хIакъалъулъ. Дагъистан унеб буго хасал тадбирал гьарулеб 14 регионалда гъорлъе. Нижер сайталда гьелъул хIакъалъулъ хъван буго цебего.
Министерлъиялъулъ хIалтIухъабаз бакI-бакIазде данделъабазде ун бичIчIизабула киназдаго цIиял тIалабазда рекъон хIалтIизе кколин. Дунго йикIана Буйнакскиялда гьединаб данделъиялда.
Хасал тадбирал гьарулел регионазда жаниб Дагъистан букIиналъул хIакъалъулъ буго министрасул хитIабалдаги.
Россиялъул лъайкьеялда хадуб халкколеб идараялъул баяназда рекъон, 2013 соналъ тIолабго Шималияб Кавказалда цогояб пачалихъияб экзамен кьолаго тIатинабун буго 336 мекълъаби гьариялъул хIужа.
Гьезул 222 хIужа буго цохIо Дагъистаналда. Цоги, рехсараб идараялъ кьолел баяназда рекъон, араб соналъ цогояб экзамен кьезе шагьаразул школаздаса росабазде ун руго 1500-гогIан цIалдохъан. «ЕГЭ-туризм» бищунго цебетIураб регионлъун рикIкIунеб буго Дагъистан.
Гьеб ишалъе гIорхъичIвай гьабиялда тIад хIалтIулел ругилан бицунеб буго Дагъистаналъул лъайкьеялъул министр хисулев Ширали ГIалиевас «Риа Дагестан» агентствоялъ бахъараб макъалаялда.
Гьесул рагIабазда рекъон, ахирисеб классалда жиндирго школалдаса цоги школалде арал гIолилаз экзамен кьезе буго хасал бакIазда.
Гьединал централ рукIине руго МахIачхъалаялда, Хасавюрталда ва Дербенталда. ЦIияб школалда экзамен кьезе толел гьечIони гочиялъул магIна букIине гьечIилан бицунеб буго гьес.
Гочариялъул проблема гьукъиялъул мурадалда лъайкьеялда хадуб хал кколеб идараялъ ургъун буго цоги тадбир. Щибаб регионалдаса батIияб школалде гочарав ахирисеб классалъул цIалдохъан восулев вуго хасаб федералияб сияхIалде.
Гьениб къуваталъул идарабазул кумекалдалъун лъазабизе буго щиб гIиллаялъ цIалдохъан гочаравали, экзамен кьей гуреб батIияб гIилла букIанищали гьесул.
Гьелда хадуб хъаравуллъи кквеялъул мурадалда, регионазда ругел лъайкьеялъул идарабазда тIадкъазе буго гочарухъабазул хIакъалъулъ информация жиндир заманалда федералияб лъайкьеялъул министерлъиялде битIеян.
Гьел киналго цIиял тадбирал рукIине руго гIемерисел регионазда. Амма аслияб кIвар кьезе буго Дагъистаналъеян бицана лъайкьеялда хадуб хал кколеб идараялъул нухмалъулев хисулев Анзор Музаевас Черкесскиялда букIараб данделъиялда.
Хасго гIемерал мекълъаби гьарулеб регионлъун рикIкIунеб буго Шималияб Кавказ. Гьединлъидал, исана гьеб суалалде кIудияб кIвар кьезе бугилан бицана Россиялъул лъайкьеялда хадуб халкколеб идараялъул нухмалъулев хисулев Анзор Музаевас.
Араб соналъ гьарурал гъалатIалги хIисабалде росун, исана цIиял къагIидаби ургъун руго гьеб идараялъ, цогояб экзамен кьолаго мекълъаби гьукъиялъул мурадалда. Анзор Музаевас рехсана лъабго батIияб тадбир.
ТIоцебесеб иргаялда, экзаменал кьолел бакIазде, школазде экзаменалъулал тIадкъаял ругел кагътал росизе руго «Спецсвязь» абураб хасаб идараялъул хIалтIухъабаз.
Рагьизеги руго гьел гьелго хIалтIухъабаз. Анзор Музаевасул рагIабазда рекъон, гьедин гьабулеб буго регионалиял лъай кьеялъул идарабазул хIалтIухъабаз мекълъаби гьарулел рукIун.
Экзаменазул хIасилалги гьебго хасаб бухьеналъул чагIаз росизе руго нахъе. КIиабилеб тадбир буго кинабго Россиялъего гIаммаб. Гьеб ккола киналго экзамен кьолел бакIазда ва гьезул хIасилал гьарулел бакIазда кIи-кIи видеокамера щула гьаби.
Кинабго улкаялдаго щибаб аудиториялда бугеб жоялъул трансляция гьабизе буго smotrite.ru абураб хасаб сайталде. Гьединго киналго видеоязул архив гьабизе буго.
Лъабабилеб тадбирги буго, жидеего экзамен кьезе бигьаяб бакIалде цIалдохъаби гочизе гьукъи.
Россиялъул информалатазда гьеб ишалда «ЕГЭ-туризм» абун цIар лъун буго. Дагъистаналда гIемерисеб мехалъ шагьаразда ругел цIалдохъаби уна росабалъе, гьениб экзаменалъухъ кьолеб ришват дагьаб букIун ва халкколезулгун къотIа-къай гьабизе бигьаяб букIун.
Дагъистаналъул лъай кьеялъул министерлъиялда «Эркенлъи» радиоялъе бицана жидеда лъалин 2014 соналъ цогояб экаменалда хурхун рукIине ругел цIиял тадбиразул хIакъалъулъ.
Рехсараб министерлъиялъул пресс-хъулухъалъул хIалтIухъан ПатIимат Ибрагьимовалъ «Эркенлъи» радиоялъе гьадин абуна:
Ибрагьимова ПатIимат: «Нижеда рагIана гьел тадбиразул хIакъалъулъ. Дагъистан унеб буго хасал тадбирал гьарулеб 14 регионалда гъорлъе. Нижер сайталда гьелъул хIакъалъулъ хъван буго цебего.
Министерлъиялъулъ хIалтIухъабаз бакI-бакIазде данделъабазде ун бичIчIизабула киназдаго цIиял тIалабазда рекъон хIалтIизе кколин. Дунго йикIана Буйнакскиялда гьединаб данделъиялда.
Хасал тадбирал гьарулел регионазда жаниб Дагъистан букIиналъул хIакъалъулъ буго министрасул хитIабалдаги.
Россиялъул лъайкьеялда хадуб халкколеб идараялъул баяназда рекъон, 2013 соналъ тIолабго Шималияб Кавказалда цогояб пачалихъияб экзамен кьолаго тIатинабун буго 336 мекълъаби гьариялъул хIужа.
Гьезул 222 хIужа буго цохIо Дагъистаналда. Цоги, рехсараб идараялъ кьолел баяназда рекъон, араб соналъ цогояб экзамен кьезе шагьаразул школаздаса росабазде ун руго 1500-гогIан цIалдохъан. «ЕГЭ-туризм» бищунго цебетIураб регионлъун рикIкIунеб буго Дагъистан.
Гьеб ишалъе гIорхъичIвай гьабиялда тIад хIалтIулел ругилан бицунеб буго Дагъистаналъул лъайкьеялъул министр хисулев Ширали ГIалиевас «Риа Дагестан» агентствоялъ бахъараб макъалаялда.
Гьесул рагIабазда рекъон, ахирисеб классалда жиндирго школалдаса цоги школалде арал гIолилаз экзамен кьезе буго хасал бакIазда.
Гьединал централ рукIине руго МахIачхъалаялда, Хасавюрталда ва Дербенталда. ЦIияб школалда экзамен кьезе толел гьечIони гочиялъул магIна букIине гьечIилан бицунеб буго гьес.
Гочариялъул проблема гьукъиялъул мурадалда лъайкьеялда хадуб хал кколеб идараялъ ургъун буго цоги тадбир. Щибаб регионалдаса батIияб школалде гочарав ахирисеб классалъул цIалдохъан восулев вуго хасаб федералияб сияхIалде.
Гьениб къуваталъул идарабазул кумекалдалъун лъазабизе буго щиб гIиллаялъ цIалдохъан гочаравали, экзамен кьей гуреб батIияб гIилла букIанищали гьесул.
Гьелда хадуб хъаравуллъи кквеялъул мурадалда, регионазда ругел лъайкьеялъул идарабазда тIадкъазе буго гочарухъабазул хIакъалъулъ информация жиндир заманалда федералияб лъайкьеялъул министерлъиялде битIеян.
Гьел киналго цIиял тадбирал рукIине руго гIемерисел регионазда. Амма аслияб кIвар кьезе буго Дагъистаналъеян бицана лъайкьеялда хадуб хал кколеб идараялъул нухмалъулев хисулев Анзор Музаевас Черкесскиялда букIараб данделъиялда.
