Евроцолъи ва Америка - Украиналъе хIалае

КъватIисеб политикаялъул суалазул рахъалъан Евроцолъиялъул идараялъул бетIер Кэтрин Эштоница лъазабуна Европаялъул Цолъиялъги Цолъарал Штатазги хIадур гьабун бугин Украинаялъе кумек гьабиялъул план.

Гьадинаб информация загьирабуна The Wall Street Journal-алъ.

Гьелда рекъон 2015 соналда рукIинесел президентасул рищиязда цебе Евроцолъиялъ ва Америкалъ заманалъулаб хIукуматалъе квер бакъи гьабизе буго политикиял ва экономикиял реформаби тIоритIизариялда хурхун.

Араб анкьида Эштоница сапар бухьана Киевалде ва гIамал гьабуна Украиналъул хIукуматалда ва оппозициялда гьоркьоб диалог гьабизабизе.