Цолъарал Миллатазул ГIуцIиялъ лъазабулеб буго жиндихъе щварал цIиял баяназда рекъон Сириялъул тIадегIанаб даражаялъул пачалихъиял хъулоухъчагIазул хурхен бугин рагъулаб такъсирчилъи гьабиялда.
Гьезда гъорлъ – Сириялъул президент Башар Асадги. Гьадинаб баянгун итни къоялъ цее яхъана Инсанасул ихтиярал цIуниялъул рахъалъ идараялъул бетIер Нави Пиэллейица.
КIудияб Британиялда бугеб инсанасул ихтиярал цIунулеб Сириялъул Централъул хIисабалда 2011 соналда улкаялда рагъ багъаринабун хадусала 126 азаргогIан чи чIван вуго. Гьезул лъабго бутIа гьабун цо бутIа ккола ракълилал гIадамал.
Рехсараб Централъул бутIруз Цолъарал Миллатазул ГIуцIиялъул Генералияв секретарь Пан Ги Мунихъе хасаб кагъат битIизехъин буго. Гьелда гьез ахIи балеб буго Сириялда унеб бугеб рагъалъе ахир лъезелъун кIванагIан кIудияб хIаракат бахъе ян абун.
Гьезда гъорлъ – Сириялъул президент Башар Асадги. Гьадинаб баянгун итни къоялъ цее яхъана Инсанасул ихтиярал цIуниялъул рахъалъ идараялъул бетIер Нави Пиэллейица.
КIудияб Британиялда бугеб инсанасул ихтиярал цIунулеб Сириялъул Централъул хIисабалда 2011 соналда улкаялда рагъ багъаринабун хадусала 126 азаргогIан чи чIван вуго. Гьезул лъабго бутIа гьабун цо бутIа ккола ракълилал гIадамал.
Рехсараб Централъул бутIруз Цолъарал Миллатазул ГIуцIиялъул Генералияв секретарь Пан Ги Мунихъе хасаб кагъат битIизехъин буго. Гьелда гьез ахIи балеб буго Сириялда унеб бугеб рагъалъе ахир лъезелъун кIванагIан кIудияб хIаракат бахъе ян абун.