Албаниялъе бокьун гьечIо Сириялъул ярагъ тIагIинабизе жиндир ракьалда

Албаниялъул тIадтараз нахъ чIвана Цолъарал Штатазул гьари – гьениб Сириялъул химикияб ярагъ тIагIинабизе изну кьеян абураб.

Гьадин лъазабуна рузман къоялъ Албаниялъул премьер-министр Эди Рамаца.

Сириялъул яргъил азаралда лъабнусго тонна тIагIинабиялъул план мухIканго хIалтIизабизе ккола Димишкъиялъги химикияб ярагъ гьукъулеб халкъаздагьоркьосеб ГIуцIиялъги.

Рагъ халкт бахъунеб жибго Сириялда гьеб ярагъ тIагIинаби хIинкъи кьолеб ишлъун рикIкIунеб буго дунялалъул жамагIаталъ.