«Домодедовоялда» теракт гьабуразе диван гьабун буго

Москва икълималъул диваналъ къотIи гьабун буго 2011 соналъул 24 январялда Домодедово абулеб аэропорталда теракт гьабуразе.

Лъабгояв гIумруялъго жаниве тIамизе вуго, хутIарав цояв анцIго соналъ туснахъалда вукIине вуго.

Доб къоялъ живго жинцаго чIвазе хIукму гьабурас кьвагьулеб алат хIалтIизабун жиндаго цадахъ 37 чи чIвана. Жеги 170 чи лъукъана.