Россиялъул Волгоградалда ккун вуго изну гьечIого яргъидгIуцIараб къукъаялда вукIиналда щаклъи бугев ва валагьулев вукIарав дагъистанияв. Гьев унев вукIун вуго Москваялдаса Дербенталде. Низам цIунулез чIезабухъе, Дербенталдаса гьев 23 сон барав гIолохъанчи Москваялда цо кIудияб тукада хъаравуллъун хIалтIилев вукIун вуго. Исана 21 октябралда Волгоградалда автобус кьвагьизабун хадуб 15 къоялъ гьеб мухъалда киса- кибего хасго аэропортаздагун вокзалазда цIакъго мухIканго хал гьабулеб буго гIадамазулги транспорталъулги. Гьел тадбирал тIоритIиялъе гIилла буго терракт такраолъиялда хIинкъи букIин. 21 октябралда Волгоградалда автобус кьвагьиялъул хIасилалда 6 чи хвана ва 50 ясе зарал ккана. Гьеб терракт гьабиялъул щаклъи буго Дагъистаналдаса Асиялова Наидада.