ЦIиябсасикь росдал руччабазул мадраса къазе хIукуму гьабун букIун буго октябралъул анцIабилеб къоялъго. Низам цIунулез гьениб халгьаби тIобитIулеб букIун буго.
ЦIалул идара хIисабалда хIалтIизе изну кьолеб лицензия гьечIин гьелъулилан абулеб буго низам цIунулел хIалтIухъабаз.
Гьеб кIиабилеб хIужа ккола Хасавюрт мухъалъул ЦIиябсасикь росулъ мадраса къараб. Исана августалдаги къан букIана гьениб мадраса.
Гьеб къаялъеги гIилла добго букIана гIелмияб лъай кьеялъул программа билълъанхъизабизе хIажалъулеб пачалихъалъулаб лицензия букIинчIин гьелъулилан.
Гьеб лицензия хIакъикъаталдаги букIинчIин мадрасаялъулилан бицун букIана доб мехалъ Эркенлъи радиоялъе гьелъул хIалтIухъан ПатхIулаев МухIамадица, документазул иш рукIалиде бачIине хIукуматалъ квал-квал гьабулеб букIанин жидее.
Гьаб нухалъ руччабазул мадраса къаялъеги гьелъул лицензия букIинчIилан абураб гIилла баян гьабулеб буго низам цIунулез.
Амма гьеб лицензияги бугин жидер, киналго документалги ругин, гьечIел гIиллабиги рачун мадраса къазе къвариIгун букIанин прокуратураялъул чагIазеян абулеб буго ЦIиябсасикь росулъа МухIамадов ГIабдурахIимица.
Гьеб мадрасаялъул нумалъулев ккола. Мадраса хIалтIизе байбихьаралдаса бан букIун буго анкьгониги сон.
Низам цIунулезул рахъалдаса гьел халгьабиялги жиб соналъ рукIун руго тIоритIулел исана гурони гьез лицензия гьечIилан абураб багьанаги батичIилан бицана ГIабдурахIимица:
МухIамадов ГIабдурахIим: «Гьез абулеб буго лицензия батIа гьабизе кколилан, абин добилан, къокъ гьабун абуни багьанаби рачунел руго. ХIатта Юстициялъул министерлъиялъ кьураб ааккредитацияцин мекъи кьун бугилан абулеб буго гьез».
Э.Р Нужер мадрасаялда цIалулел руччаби цохIо Сасикьайиш рукIарал цогидал бакIаздаса рачIунел рукIаниш?
ГIабдурахIим: «РукIана, рукIинаришха. Цо нижерго росулъа чиги цIалун мадраса букIинишха. ХIатта дора Ростовалдаса, Ставрополалдаса цоги бакIаздасацин рачIунел рукIана».
Э.Р Чан чи цIалулев вукIарав?
ГIабдурахIим:«Исана октябралда байбихьизе кколаанха тIубанго цIали. Киналго жеги ракIарун рукIинчIо цIалулезул, гIага-шагарго 120 гIанасев чи».
Э.Р Къана мадраса, хадуб щиб гьабизе ракIалда бугеб?
ГIабдурахIим: «Гьез абулеб бугоха мадрасабиги мажгитал цIикIкIунел ругин, культуриял идараби цIикIкIинаризе кколилан, цIияб лицензияги рагьун цогидаб цIаралда гъоркьгIаги хIалтIизе ккелаха».
Исламияб лъай кьолеб идара хIисабалда мадраса хIалтIизе аккредитация кьун букIанин РухIияб идараялъгиян бицана ГIабдурахIимица хадубги, гьезул лицензия гьечIо мадраса хIалтIизе биччаларин Дагъистаналда.
Гьелда тIасан гара-чIвари гьабизе рухIияб иадарялъул вакил нижехъе щвечIо нижехъе.
Сасикьедерил мадарсаялъул гьечIин щибниги сах саламатаб документ, гьез кьолеб гьечIин магъало, бичIчуларин кинаб къагIидаялъ гьез лъимал цIализе гьарулел рукIарал, цIали лъугIун хадур кирехун гьел хIебтIулел рукIаралгиян абулеб буго Дагъистаналъул жанисел ишазул пресс-хъулухъалъул нухмалъулей ГIубайдатова Фатинацаги:
ГIубайдатова Фатина: «Гьеб тIоцебесеб цIалул идара гурелъул къазе хIукму гьабураб. Гьеб гуребги бичIчIулеб гьечIо кинаб лъай гьенир цIалулел ясазе щолеб букIараб, кинаб диплом гьезие кьолеб букIараб ва хадуб кирехун гьел хIалтIулел рукIаралиги. Киналниги документалги гьечIого хIукуматалъе магъалоги кьечIого кин хIалтIизабулеб мадраса?».
Официалиял гурел баяназдаса рекъон абулеб буго Сасикьдерил мадрасаялда цIалулел руччабазул гIемерисел рохьилазул лъудбиниги яцалниги рукIиналъ ургъунго къан рагIулин гьебилан.
Гьеб баян жиндирго кIалъаялда тасдикъ гьабулеб буго ГIабдурахIимицаги. ЦIияб лицензияги тIалаб гьабун мадраса цIидасан хIалтIизе биччазе ракIалда буго гьесда.
ЦIалул идара хIисабалда хIалтIизе изну кьолеб лицензия гьечIин гьелъулилан абулеб буго низам цIунулел хIалтIухъабаз.
Гьеб кIиабилеб хIужа ккола Хасавюрт мухъалъул ЦIиябсасикь росулъ мадраса къараб. Исана августалдаги къан букIана гьениб мадраса.
Гьеб къаялъеги гIилла добго букIана гIелмияб лъай кьеялъул программа билълъанхъизабизе хIажалъулеб пачалихъалъулаб лицензия букIинчIин гьелъулилан.
Гьеб лицензия хIакъикъаталдаги букIинчIин мадрасаялъулилан бицун букIана доб мехалъ Эркенлъи радиоялъе гьелъул хIалтIухъан ПатхIулаев МухIамадица, документазул иш рукIалиде бачIине хIукуматалъ квал-квал гьабулеб букIанин жидее.
Гьаб нухалъ руччабазул мадраса къаялъеги гьелъул лицензия букIинчIилан абураб гIилла баян гьабулеб буго низам цIунулез.
Амма гьеб лицензияги бугин жидер, киналго документалги ругин, гьечIел гIиллабиги рачун мадраса къазе къвариIгун букIанин прокуратураялъул чагIазеян абулеб буго ЦIиябсасикь росулъа МухIамадов ГIабдурахIимица.
Гьеб мадрасаялъул нумалъулев ккола. Мадраса хIалтIизе байбихьаралдаса бан букIун буго анкьгониги сон.
Низам цIунулезул рахъалдаса гьел халгьабиялги жиб соналъ рукIун руго тIоритIулел исана гурони гьез лицензия гьечIилан абураб багьанаги батичIилан бицана ГIабдурахIимица:
МухIамадов ГIабдурахIим: «Гьез абулеб буго лицензия батIа гьабизе кколилан, абин добилан, къокъ гьабун абуни багьанаби рачунел руго. ХIатта Юстициялъул министерлъиялъ кьураб ааккредитацияцин мекъи кьун бугилан абулеб буго гьез».
Э.Р Нужер мадрасаялда цIалулел руччаби цохIо Сасикьайиш рукIарал цогидал бакIаздаса рачIунел рукIаниш?
ГIабдурахIим: «РукIана, рукIинаришха. Цо нижерго росулъа чиги цIалун мадраса букIинишха. ХIатта дора Ростовалдаса, Ставрополалдаса цоги бакIаздасацин рачIунел рукIана».
Э.Р Чан чи цIалулев вукIарав?
ГIабдурахIим:«Исана октябралда байбихьизе кколаанха тIубанго цIали. Киналго жеги ракIарун рукIинчIо цIалулезул, гIага-шагарго 120 гIанасев чи».
Э.Р Къана мадраса, хадуб щиб гьабизе ракIалда бугеб?
ГIабдурахIим: «Гьез абулеб бугоха мадрасабиги мажгитал цIикIкIунел ругин, культуриял идараби цIикIкIинаризе кколилан, цIияб лицензияги рагьун цогидаб цIаралда гъоркьгIаги хIалтIизе ккелаха».
Исламияб лъай кьолеб идара хIисабалда мадраса хIалтIизе аккредитация кьун букIанин РухIияб идараялъгиян бицана ГIабдурахIимица хадубги, гьезул лицензия гьечIо мадраса хIалтIизе биччаларин Дагъистаналда.
Гьелда тIасан гара-чIвари гьабизе рухIияб иадарялъул вакил нижехъе щвечIо нижехъе.
Сасикьедерил мадарсаялъул гьечIин щибниги сах саламатаб документ, гьез кьолеб гьечIин магъало, бичIчуларин кинаб къагIидаялъ гьез лъимал цIализе гьарулел рукIарал, цIали лъугIун хадур кирехун гьел хIебтIулел рукIаралгиян абулеб буго Дагъистаналъул жанисел ишазул пресс-хъулухъалъул нухмалъулей ГIубайдатова Фатинацаги:
ГIубайдатова Фатина: «Гьеб тIоцебесеб цIалул идара гурелъул къазе хIукму гьабураб. Гьеб гуребги бичIчIулеб гьечIо кинаб лъай гьенир цIалулел ясазе щолеб букIараб, кинаб диплом гьезие кьолеб букIараб ва хадуб кирехун гьел хIалтIулел рукIаралиги. Киналниги документалги гьечIого хIукуматалъе магъалоги кьечIого кин хIалтIизабулеб мадраса?».
Официалиял гурел баяназдаса рекъон абулеб буго Сасикьдерил мадрасаялда цIалулел руччабазул гIемерисел рохьилазул лъудбиниги яцалниги рукIиналъ ургъунго къан рагIулин гьебилан.
Гьеб баян жиндирго кIалъаялда тасдикъ гьабулеб буго ГIабдурахIимицаги. ЦIияб лицензияги тIалаб гьабун мадраса цIидасан хIалтIизе биччазе ракIалда буго гьесда.
