Карзай Пакистаналде вачIана

Афганистаналъул президент ХIамид Карзаица сапар бухьулеб буго Пакистаналде.

Гьеб улкаялъул тIадтаразде гьес ахIи бана тIалибазулгун ракълилал кIалъа-басаязде гъорлъе журайилан абун.

Экспертаз абулеб буго Карзаил хиял бугин Пакистаналъул премьер-министр Наваз Шарифгун кIалъалеб мехалда гьаризе, гьенир туснахъалда ругел тIалибазул цо-цо авлахъалъулал бутIрул эркенлъуде риччайилан абун.

Шамат къоялъ Карзаица лъазабуна жинца кIудияб хьул лъолеб гьечIин Исламабадалде бухьулеб сапаралъул мунпагIаталде.