Гъалгъаялъ ккун вуго прокурор Алам Ужахов. Гьесда буго ярагъгун кодоб бакIалъул гIадамазде тIадекIанцIиялъул щаклъи. Полициялда мугъчIвайги гьабулаго «Интерфаксалъ» лъазабулеб буго Ужаховас 22 августалда цоги чиясда цадахъ Назрань бакьулъ цо чиясде ва цо чIужугIаданалде кьвагьун бугин ва гьеб бакIалдаса гьел лъутун ругин. Лъукъарал азарханаялде щвезарун рукIана. Низам цIунулез гьединго лъазабулеб буго Ужаховасе 34 ва гьесда цадахъ вукIарасе 23 сон бугинги.