Суфиязул щайих Ильяс Ильясов чIваялъул аслияб версия хIисабалда цIех-рехчагIаз босулеб буго гьесул динияб хIаракатчилъи. Гьелъул хIакъалъулъ "Интерфакс" агентлъиялъе лъазабун буго Дагъистаналда Россиялъул цIех-рехалъул идараялъул официалияв вакилас.
Шамат къоялъ маркIачIуда Ильясовасул машинаялде кьвагьдун руго жал щалали лъаларел. Гьев хун вуго вукIараб бакIалдаго. Гьесул шофер лъукъана ва азараханаялде щвезавуна. ТIаде кIанцIаразе лъутизе щвана ва гьел ралагьулел руго.