8 полициялъулав чIвана ГIиракъалда

ГIиракъалъул Туз-Хурмату шагьаралда бугеб хIинкъи гьечIолъи цIунулел хъулухъчагIазул автоколоннаялда аскIоб живго жинцаго чIвазе хIукму гьабурас жаниб бахчун тараб бомбагун автомобиль кьвагьизабун курд миллаталъул микьго полициялъулав чIвана жиндаго цадахъ.

Жеги ичIгояв лъукъун вуго ян лъазабулеб буго тIадтаразги тохтурзабазги.

Июль моцIалда ГIиракъалда гьарурал гьужумазул хIасилалда гIаммаб къадаралда 720 чи чIван вуго.