Россиялъул президент Владимир Путиница абуна «хасал хъулухъазул дагIба-рагIияздаса» пачалихъазул гьоркьорлъабазул кIвар цIикIкIараб бугин Москваялъейин. «Нижеца Сноуденида абунги букIана россиялъулгун-америкаялъул гьоркьорлъабазде гьогьен рещтIинабулеб багъа-башари нижее данде кколарин»,-гьедин абуна Путиница журналистазе ЦРУялъул вукIарав хIалтIухъан Эдвард Сноуденида сверун ахIвал-хIалалъе комментарий кьолаго. Балъгояб информация къватIибе кьеялъул гIайиб Америкаялъ гIунтIизабулев вугев Сноуден 23 июналдаса нахъе вуго Москваялъул Шереметьево аэропорталъул транзитияб зонаялда. Талат къоялда Миграциялда хурхун Федералияб хъулухъалъ талат къоялда лъазабун букIана жидехъе бачIун бугин заманаялъ вахчизе бакIал Россиялда гьарун гьес хъвараб гIарзайин.