Чачаналъ хасал абулел тадбирал тIоритIулаго Шатой мухъалъул Харсеной росдал сверухълъиялда изну гьечIого яргъидгIуцIаралгун ккараб кьвагьа-гIанхъиялда чIван вуго цо аскарияв ва лъукъун вуго 13яв. Лъазабулеб буго кьвагьилалде цебе яргъидгIуцIаразде кверде рачIаян абулеб букIанин, амма гьел разилъичIин. Гьанже гьел ралагьиялъул операция халат бахъунеб буго ва гьелда гIахьаллъулел руго чанго хасал хъулухъазул къукъаби. Гьедин лъазабулеб буго Интерфаксалъ.