Политковская чIваялъул ищ диваналде битIун буго

2006 соналъул 7 октябралда журналист Анна Политковская чIваялъул цIех-рехалъул хIасил диваналде битIун буго, ян лъазабуна ЦIех-рех гьабулеб Россиялъул Комитеталъул вакил Владимир Маркиница.

Гьесул рагIабазда рекъон бицен унеб буго гьеб такъсир тIадкъарав Лом-ГIали Гайтукаевасде, такъсир гьабурал вацал Рустам, Ибрагьим ва Жабраил МахIмудовазде, ва Сергей ХIажикъурбановасде гIунтIизабулеб гIайибалъул.