Талат къоялда Сочиялда байбихьана Россиялъул президент Владимир Путинида ва Израилалъул премьер-министр Биньямин Нетаньяхуда гьоркьор кIалъа-ралъаял. Данделъи байбихьилалде Путиница абун букIана гьениб аслияб суал Сириялда хурхараб букIине бугин. Лъазабияда рекъон, Нетаньяхул рахIат хун буго жиндир цебесев партнёр Сириялъе Россиялъ С-300 абулел ракетабазде дандечIей гьабулеб система кьезе бегьиялъ. Сириялъул суал гьоркьоб лъезе гьаб анкьалъул ахиралда Москваялде вачIине вуго Цолъарал Миллатазул ГIуцIиялъул генералияв секретарь Бан Ги Мунги.