Пакистаналъул туснахъалда цадахъ жанир тIамураз вухун захIматаб хIалалде ккезавун вуго Индиялдаса чи. Жасуслъи гьабуралъухъ диваналъ чIвазе хIукму къотIарав Сарабжит Сингх гьаб сагIаталда вуго Лахор шагьаралъул азарханаялда ва гьесул хIал тохтурзабаз захIматаблъун рикIкIунеб буго. Гьев чIвазе хIукму къотIун букIана 16 сон цебе Лахоралда кьвагьиял ккун ва 14 чи хун хадуб. Гьев вухиялъе къварараб къимат кьолеб буго Пакистаналъул инсанасул ихтияра цIунулез.