Инсанасул ихтиярал цIуниялда сверун кIиго халкъаздагьоркьосеб идараялъ гьал къоязда къватIибе кьураб докладалда абулеб буго 2012 соналда Владимир Путин Россиялъул нухмалъиялде тIадвуссаралдаса улкаялда гражданияб жамгIияталде данде репрессиял байбихьанин ва гIадамазул хасал эркенлъабазе гIурхъаби лъунин. Amnesty International ва Human Rights Watch идарабазул докладалда гьединго кIвар буссинабулеб буго демонстрациязде данде полициялъул къуват цIикIкIун хIалтIизабулеб букIиналдеги къватIисел улкабаздаса финансазул кверчIвай бугел идарабаздаса «къватIисел улкабазул агентал» абун регистрация тIалаб гьабулеб букIиналдеги. Докладалда абулеб буго пачалихъиял гурел идарабазде данде рахъарал цIиял къануназдалъун ва гьезул офисазда чIухь баяздалъун Москваялъ хвезабулел ругин халкъаздагьоркьосел къотIиялин.