Исана Шималияб Кавказалдаса армиялда хъулухъ гьабизе ахIулезул къадар цIикIкIинабизе бугилан лъазабуна гьал къоязда Россиялъул Генералияб Штабалъул нухмалъулев хисулев Василий Смирновас. Генерал-полковникас гьединго тIаде жубана Россиялъул киналго субъектал улакаялда цере ращадал кколин гьединлъидал гьенир гIумру гьабун ругел гIадамалги нахъе цере гьаризе лъилниги ихтияр гьечIилан.
Кавказалъул гIолохъаби гьечIеб Россиялъул армия тIубанго щвалде щвараблъун рикIкIине бегьуларилан абулеб буго Сергей Маркедонов абулев экспретас. Стратегиялъулал цIех-рехал гьарулеб халкъазда гьоркьосеб Централъул гIелмияв хIалтIухъан ккола гьев.
Политолог Энвер Кисриевас рикIкIунеб буго кавказалъулал армиялде ахIичIого теялъе ккараб бищунго кIудияб гIилла кколин гьел гIолохъабаз цIакъго тIасан ккараб куцалъ цадахъ хъулухъ гьабулел гIурус миллатлъул васал инжит гьаруле рукIин. Гьеб кинабго баян гьабулел рикIкIен гIемерал мисалал рукIана интернеталъул гьурмазда, гьелъул хIакъалъулъ гIемераб хъван батIи-батIиял информ алатазги.
Амма Улка цIуниялъул министрлъун цIияв нухамлъулев Срегей Шойгу вачIиндал гьес рагIи кьун букIана Кавказаладаса ахIулел гIолохъабазул къадар цIикIкIинабизе бугилан. Гьедин гьаб соналъул тIоцебесеб апрелалда байбихьараб ихдал армиялде гIолохъаби ахIиялъул тадбиралда рекъонДагъистналдаса улка цIунизе ине вуго 800 гIолилав.
Араб соналъул хасалихъе букIараб къадаралда дандеккун гьеб цIикIкIун буго 600 чияс. Хадубккун гьеб къадар дагьабги цIикIкIине бугилан абуна инфом алатазе республикаялъул рагъулав комиссар Даитбег МустIафаевас.
Дагъистаналдаса гIолилаз хъулухъ гьабулеб бакIалда гIадлу хварал жал гьариялъул хIасилалда дагьлъизабун бугин гьениса армиялде ахIулезул къадарилан абураб хабаралда разилъичIо МахIачхъалялъул, армиялде ахIулел гIолохъаби ракIарулеб бакIалъул нухмалъулев хисулев Явмус Джамбулатов.
Жидехъ гьединаб информация гьечIилан чIана гьев. Ихдал армиялде гIолохъаби ахIиялъул тадбир букIине кколеб тIалабалда рекъон унеб бугилан бицана гьес Эркенлъи радиоялъе.
Амма жакъа Дагъистаналда дагьал гьечIо хъулухъ гьабизе ине бокьаницин рагъулаб комиссариаталъ нахъчIварал гIолохъабазул къадар. Гьединазул цояв ккола Гъуниб мухъалъул Гьонодаса Шигьабудинов Икрамги. Мухъалъул комиссариаталъ чанцIулго гьенивеги ахIун хъулухъ гьабизе витIилалде цере тIоритIулел тадбиразда гIахьаллъизеги тIамун нахъчIван вуго гьев щибниги гIиллаги баян гьабичIого:
Шигьабудинов Икрам: « Дие армиялде ине бокьун букIана, амма щай гьез дун нахъчIваравали дида бичIчIулеб гьечIо. Киналго тартибазда рекъон хъулухъ гьабизе бегьулеб тайпаялъул гIолохъабазда гъорлъ вугищали хал гьабулел тадбиразадаги гIахьаллъна. Нахгойисала вачIайилан витIула нахъе. Дица абуна дова вугев чиясда щай вац дун витIуларев, гьалъие бугеб гIилла щибилан абун, жинда дуе гьабизе бегьулеб кумек гьечIилан мукIурлъана дие гьевги».
Нижеца Икрамида гьикъана гьедин чанго нухалъ нахъчIвараб мехалъ гIарац кьун витIулищали бихьизе къасдго гьабунищин дуцаян, гьабичIин жиндир гьезие кьезегIан гIемераб гIарацги гьечIин, гIицIго дун витIизе кумек гьабуни жинца гьеб гIадада теларилан абун букIанин жиндица тIадехун рехсолев вугев Маратида. Армиялде ахIулел гIолохъабазул тадбир гьабулев, Гъуниб мухъалъул рагъулаб комиссариаталъул хIалтIухъан ккола гьев.
Гьанжего гьанже 18 сон тIубарал гIолилаздасаги дагьабниги гIумруялъул хIалбихьиги щварал, тIадегIанаб лъай босарал гIолохъабиго рокьулин хъулухъ гьабулеб бакIалъул нухмалъулезегиян рикIкIунеб буго Гъуниса МухIамадов МуртазагIалица. Гьеб мухъалъул гIолохъабазда гьоркьоб хIалтIи гьабулеб идаралъул жавабияв хIалтIухъан ккола гьев:
МухIамадов МуртазагIали: «АнцIила микьго сон барасеги жиндирго ватIан цIунизе ине бокьила, дагIба гьечIо. Амма мисалалъе армиялде ахIулел гIолохъбаи тIасрищизе рес кьун бугони дица мугъчIвай гьабиллан цIалунги лъугIарал лъикIаб квешалъул бичIчIиги бугел, гьелъие хIадурлъиги щварал гIолилазда. Хъулухъ гьабулеб бакIазда ругел командирзабазеги гьединал рокьула гIадамал.
Мисалъе босилин автомобиль бачунев чиясул махщел щвезе ДОСААФ-алъул курсазде инее бокьуларелцин гIемерал руго гIолохъабазул, гьединго руго батIи-батIиял тадбирал гьез гIахьаллъи гьабизе кколел. Гьениреги унел гьечIо».
Гьедин рикIкIадал шагьаразде хъулухъ гьабизе ахIилалдего ватIаналда цебе ракIбацIацIадб хъулухъ тIубазаби куцаялъул мурадалда батIи-батIиял тадбирал тIоритIулел руго МуртазагIали хIалтIулеб идараялъ.
Гьединал бакIазда гIахьалъи гьабурал гIолилалги кIалъай гьечIого росулин армиляда хъулухъ гьабизейилан бицана гьес хадубги. Амма квеш ккараб жо бугин гьединал тадбиразе жидерго росулъа гIолхъаби ритIиялъул иш тIаса-масаго тун бугин Гъуниб мухъалъул чанги росабазул нухмалъиялъ.
Исана Дагъистналдаса армиялде хъулухъ гьабизе ритIулел гIолохъабазул тIоцебесеб бутIа нух регIизе буго апрелалъул 17-б къоялъ. Гьеб къоялъ тахшагьаралда бугеб армиялде ахIулел гIолохъаби ракIарулеб бакIалде рачIине руго республикаялъул нухмалъиги гьединго рухIияб идарялъул вакилзабигиян бицана нижер программаялъе Дагъистаналъул рагъулаб комиссариаталъул пресс-хъулухъалъ.
Кавказалъул гIолохъаби гьечIеб Россиялъул армия тIубанго щвалде щвараблъун рикIкIине бегьуларилан абулеб буго Сергей Маркедонов абулев экспретас. Стратегиялъулал цIех-рехал гьарулеб халкъазда гьоркьосеб Централъул гIелмияв хIалтIухъан ккола гьев.
Политолог Энвер Кисриевас рикIкIунеб буго кавказалъулал армиялде ахIичIого теялъе ккараб бищунго кIудияб гIилла кколин гьел гIолохъабаз цIакъго тIасан ккараб куцалъ цадахъ хъулухъ гьабулел гIурус миллатлъул васал инжит гьаруле рукIин. Гьеб кинабго баян гьабулел рикIкIен гIемерал мисалал рукIана интернеталъул гьурмазда, гьелъул хIакъалъулъ гIемераб хъван батIи-батIиял информ алатазги.
Амма Улка цIуниялъул министрлъун цIияв нухамлъулев Срегей Шойгу вачIиндал гьес рагIи кьун букIана Кавказаладаса ахIулел гIолохъабазул къадар цIикIкIинабизе бугилан. Гьедин гьаб соналъул тIоцебесеб апрелалда байбихьараб ихдал армиялде гIолохъаби ахIиялъул тадбиралда рекъонДагъистналдаса улка цIунизе ине вуго 800 гIолилав.
Араб соналъул хасалихъе букIараб къадаралда дандеккун гьеб цIикIкIун буго 600 чияс. Хадубккун гьеб къадар дагьабги цIикIкIине бугилан абуна инфом алатазе республикаялъул рагъулав комиссар Даитбег МустIафаевас.
Дагъистаналдаса гIолилаз хъулухъ гьабулеб бакIалда гIадлу хварал жал гьариялъул хIасилалда дагьлъизабун бугин гьениса армиялде ахIулезул къадарилан абураб хабаралда разилъичIо МахIачхъалялъул, армиялде ахIулел гIолохъаби ракIарулеб бакIалъул нухмалъулев хисулев Явмус Джамбулатов.
Жидехъ гьединаб информация гьечIилан чIана гьев. Ихдал армиялде гIолохъаби ахIиялъул тадбир букIине кколеб тIалабалда рекъон унеб бугилан бицана гьес Эркенлъи радиоялъе.
Амма жакъа Дагъистаналда дагьал гьечIо хъулухъ гьабизе ине бокьаницин рагъулаб комиссариаталъ нахъчIварал гIолохъабазул къадар. Гьединазул цояв ккола Гъуниб мухъалъул Гьонодаса Шигьабудинов Икрамги. Мухъалъул комиссариаталъ чанцIулго гьенивеги ахIун хъулухъ гьабизе витIилалде цере тIоритIулел тадбиразда гIахьаллъизеги тIамун нахъчIван вуго гьев щибниги гIиллаги баян гьабичIого:
Шигьабудинов Икрам: « Дие армиялде ине бокьун букIана, амма щай гьез дун нахъчIваравали дида бичIчIулеб гьечIо. Киналго тартибазда рекъон хъулухъ гьабизе бегьулеб тайпаялъул гIолохъабазда гъорлъ вугищали хал гьабулел тадбиразадаги гIахьаллъна. Нахгойисала вачIайилан витIула нахъе. Дица абуна дова вугев чиясда щай вац дун витIуларев, гьалъие бугеб гIилла щибилан абун, жинда дуе гьабизе бегьулеб кумек гьечIилан мукIурлъана дие гьевги».
Нижеца Икрамида гьикъана гьедин чанго нухалъ нахъчIвараб мехалъ гIарац кьун витIулищали бихьизе къасдго гьабунищин дуцаян, гьабичIин жиндир гьезие кьезегIан гIемераб гIарацги гьечIин, гIицIго дун витIизе кумек гьабуни жинца гьеб гIадада теларилан абун букIанин жиндица тIадехун рехсолев вугев Маратида. Армиялде ахIулел гIолохъабазул тадбир гьабулев, Гъуниб мухъалъул рагъулаб комиссариаталъул хIалтIухъан ккола гьев.
Гьанжего гьанже 18 сон тIубарал гIолилаздасаги дагьабниги гIумруялъул хIалбихьиги щварал, тIадегIанаб лъай босарал гIолохъабиго рокьулин хъулухъ гьабулеб бакIалъул нухмалъулезегиян рикIкIунеб буго Гъуниса МухIамадов МуртазагIалица. Гьеб мухъалъул гIолохъабазда гьоркьоб хIалтIи гьабулеб идаралъул жавабияв хIалтIухъан ккола гьев:
МухIамадов МуртазагIали: «АнцIила микьго сон барасеги жиндирго ватIан цIунизе ине бокьила, дагIба гьечIо. Амма мисалалъе армиялде ахIулел гIолохъбаи тIасрищизе рес кьун бугони дица мугъчIвай гьабиллан цIалунги лъугIарал лъикIаб квешалъул бичIчIиги бугел, гьелъие хIадурлъиги щварал гIолилазда. Хъулухъ гьабулеб бакIазда ругел командирзабазеги гьединал рокьула гIадамал.
Мисалъе босилин автомобиль бачунев чиясул махщел щвезе ДОСААФ-алъул курсазде инее бокьуларелцин гIемерал руго гIолохъабазул, гьединго руго батIи-батIиял тадбирал гьез гIахьаллъи гьабизе кколел. Гьениреги унел гьечIо».
Гьедин рикIкIадал шагьаразде хъулухъ гьабизе ахIилалдего ватIаналда цебе ракIбацIацIадб хъулухъ тIубазаби куцаялъул мурадалда батIи-батIиял тадбирал тIоритIулел руго МуртазагIали хIалтIулеб идараялъ.
Гьединал бакIазда гIахьалъи гьабурал гIолилалги кIалъай гьечIого росулин армиляда хъулухъ гьабизейилан бицана гьес хадубги. Амма квеш ккараб жо бугин гьединал тадбиразе жидерго росулъа гIолхъаби ритIиялъул иш тIаса-масаго тун бугин Гъуниб мухъалъул чанги росабазул нухмалъиялъ.
Исана Дагъистналдаса армиялде хъулухъ гьабизе ритIулел гIолохъабазул тIоцебесеб бутIа нух регIизе буго апрелалъул 17-б къоялъ. Гьеб къоялъ тахшагьаралда бугеб армиялде ахIулел гIолохъаби ракIарулеб бакIалде рачIине руго республикаялъул нухмалъиги гьединго рухIияб идарялъул вакилзабигиян бицана нижер программаялъе Дагъистаналъул рагъулаб комиссариаталъул пресс-хъулухъалъ.
