900-ялдасанги цΙикΙкΙун чияс медикияб кумек гьарун буго Уралалъул федералияб округалда метеориталъул кескал рортун хадуб. 34 чи, гьездаго гъорлъ 12 лъимер, регизарун руго азарханаялда. Гьелъул хΙакъалъулъ лъазабулеб буго Россиялъул гΙорхъолъа рорчΙарал ахΙвал-хΙалазул министр Владимир Пучковас. Гьесул рагΙабазда метеориталъул асаралдаса зарал ккун буго 300-гΙанаб минаялъе ва 12 школалъе, чанго социалияб объекталъе ва идарабазе. Радиациялъул нормаялдасан тΙаде ун гьечΙо.
Бортараб метеориталъул кескал ратизе бегьула Челябинскалъул регионалъул Чебаркуль мухъалда. Гьелъул хΙакъалъулъ лъазабулеб буго бакΙалъулаб гΙорхъолъан рорчΙарал ахΙвал-хΙалазул идараялъ. Гьениб абулеб буго, гьелъул кескал хьуцΙилъе рортун ратизе бегьулин.
Бортараб метеориталъул кескал ратизе бегьула Челябинскалъул регионалъул Чебаркуль мухъалда. Гьелъул хΙакъалъулъ лъазабулеб буго бакΙалъулаб гΙорхъолъан рорчΙарал ахΙвал-хΙалазул идараялъ. Гьениб абулеб буго, гьелъул кескал хьуцΙилъе рортун ратизе бегьулин.