Рималъул Папа Бенедикт XVI-билесда ракΙалда буго 28 февралалда лъазабизе, жив хъулухъалдаса нахъе унев вукΙиналъул хΙакъалъулъ. Рималъул католикияб гьатΙаналъул бетΙерас лъазабуна, жиндие гьеб тΙубанго баянаб гали кколин. 86 сон барав понтификас абулеб буго, жиндир рухΙ гΙолеб гьечΙин гьеб хъулухъ букΙине кколеб къагΙидаялда тΙубазабизеян.
Ватиканалъул вакилас лъазабухъе, гьатΙаналъул цΙияв бетΙер вищизе вуго гΙагарисеб заманалда. Бенедикт XVI, гΙадатияб гΙумруялда Йозеф Алоис Ратцингер 2005 соналъул апрелалда тΙоцеве немцазул миллаталъул чи хΙисабалда ахирисеб азаргогΙанаб соналда жаниб вахъана Рималъул католикияб гьатΙаналъул бетΙерлъун.
Рималъул Папа XVI суратазда
1
Ватикан. 2012 соналъул 31 декабрь. Рималъул Папа XVI динияб тадбир т1обитIулеб мехалда.
2
2005 соналъул 19 апрель. Гьанже гьанже вищарав Рималъул Папа XVI, гIадатаияб гIумруялда Йозеф Ратцингер.
3
Бавария. Ахау шагьар. 1935 сон. Жозеф Ратцингер (тIоцебесеб мухъ анлъабилев) тIоцебесеб нухалда гьатIаналда гIахьаллъулев вуго динияб тадбиралда.
5
Гьаб сурат бахъана 1943 соналда. Дунялалъул кIиабилеб рагъалъул заманалда Жозеф Ратсцингер вукIана рагъулаб авиациялда хъулухъ гьабулев.
6
Гьаб сурат бахъун буго 1962 ва 1965 соназда гьоркьоб. Теологиялъул профессор Жозеф Ратцингер данчIвалев вуго Кьёлн шагьаралъул кардинал Фрингсгун.
7
1979 соналъул арель. Кардинал Ратцингер дандчIвалев вуго ГIурусазул православияб гьатIаналъул архиепископ Владимир Дмитровскийгун.
8
2006 соналъул ноябрь. Рималъул Папаца визит тIобитIулеб буго Истамбул шагьаралъул ЗобхъахIилабин цIар бугеб мажгиталде.
9
2008 соналъул 6 ноябрь. Рималъул Папаца Ватиканалда къабул гьавулев вуго Босниялъул бусурбабазул муфтий МустIапа Черич.
10
2006 соналъул 18 март. Рималъул Папаца Ватиканалда къабул гьавулев вуго Россиялъул метрополит Кирилл.
11
Шотландия. Эдинбург. 2010 соналъул 16 сентябрь. Рималъул Папа Бенедикт XVI дандчIвалев вуго Британиялъул къиралай Елизавета КIиабилейгун.
13
Гавана. 2012 соналъул март. Кубаялъул вукIарав лидер Фидель Кастро дандчIвалев вуго Рималъул Папа XVI улкаялъул тахшагьаралда.
14
2009 соналъул декабрь. Бенедикт XVI данчIвалев вуго Россиялъул президент Дмитрий Медведевгун.
15
Бенедикт Папаца кодоб ккун буго, хварав Рималъул Папа Иоан Павел кIиабилесул сурат Польшаялде визит тIобитIулеб мехалда.
16
Ливан. Гьарисса. Динияб центр Бкерке. 2012 соналъул 15 сентябрь. Папа данчIвалев вуго ливаналъул гIолохъанаб гIелалъ.
17
Хорватия. 2011 соналъул 5 июнь. Рималъул Папа Загреб шагьаралда.