Армениялда лъукъун вуго президентасул хъулухъалде кандидат

Ереван бакьулъ хамиз къоялъул маркIачIуда Армениялъул президентасул хъулухъалде кандидат Паруйра Айрикян чIвазе къасд гьабун буго. КIигъежалде щвараб ругъунгун гьев азарханаялда вуго ва медиказул баяналда рекъон, гьесул гIумрудуе хIинкъи гьечIо.
Армениялъул президентасул аппараталъул бетIер - Виген Сарксисяница рикIкIунеб буго гьев лъукъиялъул политикияб гIилла букIине рес бугин. Армениялда президентасул рищиял тIоритIизе руго 18 февралалда.