Россиялъул къватΙисел ишазул министр Сергей Лавровас сириялъул оппозициялда гΙайиб гΙунтΙизабулеб буго, улкаялда жаниб зулму лъугΙинабиялъе бахъулеб хΙаракаталде дандечΙеялъул. АрбагΙ къоялда Москваялда тΙобитΙараб пресс-конференциялда Лавровас абуна, гьелъие аслияб квал-квал кколила оппозициялъ президент Башар Асар хъулухъалдаса нахъе ин аслияб шартΙлъун лъолеб букΙинила. Гьеб мурадалде щунгутΙиялъул гΙайиб Лавровас гьединго хурхинабулеб буго Магърибалъул ва ГΙагараб Машрикъалъул чанго улкаялдаги.