ГIаммаб къадаралда 60-гIазарго чи чIван вуго Сириялда.

Сириялда халат бахъунеб рагъулаб конфликталъул хIасилалда гIага-шагарго 60 азарго чи чIван вуго.

Гьадин лъазабулеб буго Инсанасул ихтиярал цIуниялъул суалазул рахъалъан Цолъарал Миллатазул гIуцIиялда цебе бугеб идараялъ. Гьеб гьелъул доклад 5 моцIалда жаниб хIадурулеб букIана.

Рехсараб идараялъул бетIер Нэви Пиллэйица гьеб докладалда рехсолеб буго чIваразул халатаб сияхI.