Жиндирго рокъов шалали лъазе кIвечIел чагIаз чIван вуго полициялъул подполковник. Шамат къоялъ Онсоколо ва Гумбет мухъалдаса рикъун ун руго лъабго чи. Такъсирияб лъугьа-бахъин ккун буго гьатIан къоялъ Хасаворт шагьаралдаги.
Жанисел ишазул экономикиял такъсиразде данде къеркьолеб бутIаялъул хIалтIухъан, подполковник Джабатыров Хизри чIван вуго жиндирго рокъов, МахIачхъалаялда аскIоб бугеб ЦIияб Тарки абулеб росулъ къаси сагIат микьгоялда хIалтIараб заманалда.
ЦIех- рех чагIаз бицунелда рекъон такъисрчагIаз цин гара-чIваризе байбихьун буго гьевгун ва гьоркьоб гIемер заман балелде чанго кьвагьи лъун буго гьесде.
Полициялъул офицер хун вуго азарханаялде вачунаго, такъсирчагIазул 4 чи вукIанилан хъвалеб буго жанисел ишазул идараялъ кьурал баяназда, гьел кквезелъун тахшагьаралда лъазабун буго «Вулкан 4» абураб оперативияб план.
Цогидал баяназда рекъон такъсирчагIаз бахъун ун буго чIварасул табелалъулаб ярагъги, гьединго 20 азарго гъурущ гIарацги. Рехсараб лъугьа-бахъиналда тIасан рагьун буго 317 ва 322 статьялда рекъон угловнияб иш.
Такъсирияб лъугьа-бахъин ккана гьединго гьатIан къоялъ Хасавюрт шагьаралдаги. БецІлъизарурал цIурдулги ругеб автомобилалъусан жив щивали лъазе кIвечIев чияс кьвагьун буго «Приора» автомобилада жанир рукIарал кIигоязде, гьелъул хIасилалда захIматго лъукъаразул цояв хвана азарханаялда, кIиабилесул гъеж буго лъукъун. УК I05 статьялда рекъон рагьун буго уголовнияб иш, такъисрчи кквезе щун гьечIо.
ГIодоркъояз лъабго чи викъун ун вуго Дагъистаналда. Гьезул кIигоял ккола Онсоколо мухъалъул ГIашилтIаса, лъабабилев Гумбет мухъалъул ЧиркъатIаса.
Инсанасул ихтиярал цIунулеб «Правозащита» абураб гIуцIиялъул Дагъистаналда бугеб бутIаялъул хIалтIухъан Тарасова Фатимаца информалатазе кьурал баяназда рекъон ЧIиркъатIаса Лабазанов Шихмирзаги, Шамилхъалаялда гIумру гьабун вугев ГIашилтIаса ГIамирханов МухIамадгIалиги рачун ун руго 8-б декабралъул радал 9 тIубараб гIужалъ.
Гьелдаса нахъе гьел ругеб бакI лъалеб гьечIо лъиданиги, гьебго къоялъ аскарияз сверун кун буго ГIашилтIаса АхIмадова ФатIималги гьелъул рос ХIажиев МухIамадилги Шамилхъалаялда гьез жаниб гIумру гьабун ругеб рукъ.
Аскарияз гьеб мина сверун ккун буго щуго тIубазегIан. АхIмадова ФатIимат ячун ун йиго ХIинкъи гьечIолъиялъул хъулухъалъул хIалтIухъабаз, рагьдул кIалтIа рукIарал гIадамазда гьелъ абун буго жиндир рокъобе бидул цIураб цо жоги кьвагьул алаталда релъараб тIагIелги реханилан, гьединго рос МухIамадги лъалареб рахъалдехун вачун анилан, амма мадугьалзабазда бихьун гьечIо гьелъул рос вачун унев. Гьединго абулеб буго ГIашилтIа букIараб гьезул минаги кьвагьизабун бугин аскариязилан.
«Правозащита» централъул хIалтIухъан Тарасова Фатимаца абуна нижер программаялъе рикъун аразул цояй АхIмадова ФатIима нахъюссун йиччан йигилан:
Тарасова Фатима: «МухIканал баянал руго нижехъ, амма гьелгицин бутIа-бутIаккун ракIаризе кколел руго, щайгурелъул рикъаразул гIагарлъиялъул хьул буго гьел гIагараб заманалъ нахъруссиналда, гьединлъидал цо кIудияб ахIи-хIур бахъинабизе бокьун гьечIо гьезие, цIакъго рес къотIараб бакIалде иш ккарабго бахъинабула гьез ахIи.
Рикъун аразул цо гIадан нахъ юссун щванилан абураб гурони тIокIаб тIаде лъазе кIвараб хабар гьечIо. Рикъун арал цогидал гIолохъаби ХIинкъи гьечIолъиялъул хъулухъалъ жидерго идараялде рачун ратилин абураб хьул букIана нижер, амма гьез гьединаб баян кьечIо жеги».
Дагъистаналда гIемерал кколел руго гIадамал рикъиялъул хIужаби. Гьезул гIемерисел жанисел ишазул идараялданиги цIех-рех чагIазул гъораниги ратулилан «Эркенлъи» радиоялъе цебеги чанго нухалда абун букIана инсанасул ихтиярал цIунулез.
Тарасова Фатима: «Дида лъаларо кинаб къагIидаялъ гьединаб хабаралъе комментарий кьелабалицин. Дагъистаналда унеб буго бичIчIулареб рагъ, Шималияб Кавказалда хасго Дагъистаналда жакъа гьечIо кинабниги инсанасул ихтияразде мугъчIвай гьабизе бегьулеб бакIго, къанунал хIалтIулелго гьечIо гьанир.
Жидеего бокьухъе гьавулев вуго гьанив чи. Цебе цохIо радикалиял бусурбабаздехун букIанин гьединаб бербалагьиян абураб пикру букIун батани гIемерисезул, дагьав цевегIан кIиго тохтур азарханаялдасаги вачун гьезул цояв вахIшияб куцалда чIван хадув гьединаб пикру гьанже лъилниги гьечIо.
ГьечIо... гьаниб я Конститутция цIунулеб гьечIо, я цогидаб къанун гьечIо хIалтIулеб, гьанир руго гIицIго ярагъги кодоб ккун гIадамал, бокьарав викъун, бокьарав чIван, жидеего рекIее бокьа-бокьараб гьабулел».
Араб моцIида жаниб Шималияб Кавказалда ккарал такъсириял лъугьа-бахъиназул хIасилалда къурбаналлъун ккун вуго кинавниги 67 чи. Гьезда гьоркьоса хун вуго 38, лъукъун вуго 29 чи. Бищунго цIиIкIун чиясе зарал ккун буго Дагъистаналда.
Гьенив криминалияб ахIвал-хIалалъул хIасилалда хун вуго 26, лъукъун вуго 14 чи. Гьедин къуваталъул идарабазулги, изну гьечIого яргъил гIуцIаразулги рахъалдаса гIумруялдаса ратIалъун руго анцIила кIи-кIи чи.
ТакъсирчагIаз гьабураб тIадекIанцIиялъул хIасилалда араб моцIида жаниб гIадатиял гIадамазул Дагъистаналда хун вуго 6 чи.
Жанисел ишазул экономикиял такъсиразде данде къеркьолеб бутIаялъул хIалтIухъан, подполковник Джабатыров Хизри чIван вуго жиндирго рокъов, МахIачхъалаялда аскIоб бугеб ЦIияб Тарки абулеб росулъ къаси сагIат микьгоялда хIалтIараб заманалда.
ЦIех- рех чагIаз бицунелда рекъон такъисрчагIаз цин гара-чIваризе байбихьун буго гьевгун ва гьоркьоб гIемер заман балелде чанго кьвагьи лъун буго гьесде.
Полициялъул офицер хун вуго азарханаялде вачунаго, такъсирчагIазул 4 чи вукIанилан хъвалеб буго жанисел ишазул идараялъ кьурал баяназда, гьел кквезелъун тахшагьаралда лъазабун буго «Вулкан 4» абураб оперативияб план.
Цогидал баяназда рекъон такъсирчагIаз бахъун ун буго чIварасул табелалъулаб ярагъги, гьединго 20 азарго гъурущ гIарацги. Рехсараб лъугьа-бахъиналда тIасан рагьун буго 317 ва 322 статьялда рекъон угловнияб иш.
Такъсирияб лъугьа-бахъин ккана гьединго гьатIан къоялъ Хасавюрт шагьаралдаги. БецІлъизарурал цIурдулги ругеб автомобилалъусан жив щивали лъазе кIвечIев чияс кьвагьун буго «Приора» автомобилада жанир рукIарал кIигоязде, гьелъул хIасилалда захIматго лъукъаразул цояв хвана азарханаялда, кIиабилесул гъеж буго лъукъун. УК I05 статьялда рекъон рагьун буго уголовнияб иш, такъисрчи кквезе щун гьечIо.
ГIодоркъояз лъабго чи викъун ун вуго Дагъистаналда. Гьезул кIигоял ккола Онсоколо мухъалъул ГIашилтIаса, лъабабилев Гумбет мухъалъул ЧиркъатIаса.
Инсанасул ихтиярал цIунулеб «Правозащита» абураб гIуцIиялъул Дагъистаналда бугеб бутIаялъул хIалтIухъан Тарасова Фатимаца информалатазе кьурал баяназда рекъон ЧIиркъатIаса Лабазанов Шихмирзаги, Шамилхъалаялда гIумру гьабун вугев ГIашилтIаса ГIамирханов МухIамадгIалиги рачун ун руго 8-б декабралъул радал 9 тIубараб гIужалъ.
Гьелдаса нахъе гьел ругеб бакI лъалеб гьечIо лъиданиги, гьебго къоялъ аскарияз сверун кун буго ГIашилтIаса АхIмадова ФатIималги гьелъул рос ХIажиев МухIамадилги Шамилхъалаялда гьез жаниб гIумру гьабун ругеб рукъ.
Аскарияз гьеб мина сверун ккун буго щуго тIубазегIан. АхIмадова ФатIимат ячун ун йиго ХIинкъи гьечIолъиялъул хъулухъалъул хIалтIухъабаз, рагьдул кIалтIа рукIарал гIадамазда гьелъ абун буго жиндир рокъобе бидул цIураб цо жоги кьвагьул алаталда релъараб тIагIелги реханилан, гьединго рос МухIамадги лъалареб рахъалдехун вачун анилан, амма мадугьалзабазда бихьун гьечIо гьелъул рос вачун унев. Гьединго абулеб буго ГIашилтIа букIараб гьезул минаги кьвагьизабун бугин аскариязилан.
«Правозащита» централъул хIалтIухъан Тарасова Фатимаца абуна нижер программаялъе рикъун аразул цояй АхIмадова ФатIима нахъюссун йиччан йигилан:
Тарасова Фатима: «МухIканал баянал руго нижехъ, амма гьелгицин бутIа-бутIаккун ракIаризе кколел руго, щайгурелъул рикъаразул гIагарлъиялъул хьул буго гьел гIагараб заманалъ нахъруссиналда, гьединлъидал цо кIудияб ахIи-хIур бахъинабизе бокьун гьечIо гьезие, цIакъго рес къотIараб бакIалде иш ккарабго бахъинабула гьез ахIи.
Рикъун аразул цо гIадан нахъ юссун щванилан абураб гурони тIокIаб тIаде лъазе кIвараб хабар гьечIо. Рикъун арал цогидал гIолохъаби ХIинкъи гьечIолъиялъул хъулухъалъ жидерго идараялде рачун ратилин абураб хьул букIана нижер, амма гьез гьединаб баян кьечIо жеги».
Дагъистаналда гIемерал кколел руго гIадамал рикъиялъул хIужаби. Гьезул гIемерисел жанисел ишазул идараялданиги цIех-рех чагIазул гъораниги ратулилан «Эркенлъи» радиоялъе цебеги чанго нухалда абун букIана инсанасул ихтиярал цIунулез.
Тарасова Фатима: «Дида лъаларо кинаб къагIидаялъ гьединаб хабаралъе комментарий кьелабалицин. Дагъистаналда унеб буго бичIчIулареб рагъ, Шималияб Кавказалда хасго Дагъистаналда жакъа гьечIо кинабниги инсанасул ихтияразде мугъчIвай гьабизе бегьулеб бакIго, къанунал хIалтIулелго гьечIо гьанир.
Жидеего бокьухъе гьавулев вуго гьанив чи. Цебе цохIо радикалиял бусурбабаздехун букIанин гьединаб бербалагьиян абураб пикру букIун батани гIемерисезул, дагьав цевегIан кIиго тохтур азарханаялдасаги вачун гьезул цояв вахIшияб куцалда чIван хадув гьединаб пикру гьанже лъилниги гьечIо.
ГьечIо... гьаниб я Конститутция цIунулеб гьечIо, я цогидаб къанун гьечIо хIалтIулеб, гьанир руго гIицIго ярагъги кодоб ккун гIадамал, бокьарав викъун, бокьарав чIван, жидеего рекIее бокьа-бокьараб гьабулел».
Араб моцIида жаниб Шималияб Кавказалда ккарал такъсириял лъугьа-бахъиназул хIасилалда къурбаналлъун ккун вуго кинавниги 67 чи. Гьезда гьоркьоса хун вуго 38, лъукъун вуго 29 чи. Бищунго цIиIкIун чиясе зарал ккун буго Дагъистаналда.
Гьенив криминалияб ахIвал-хIалалъул хIасилалда хун вуго 26, лъукъун вуго 14 чи. Гьедин къуваталъул идарабазулги, изну гьечIого яргъил гIуцIаразулги рахъалдаса гIумруялдаса ратIалъун руго анцIила кIи-кIи чи.
ТакъсирчагIаз гьабураб тIадекIанцIиялъул хIасилалда араб моцIида жаниб гIадатиял гIадамазул Дагъистаналда хун вуго 6 чи.