Хун йиго дунялалда бищунго херай гIадан

Дунялалдаго бищунго санал цIикIкIарай Бэсс Купер хун йиго талат къоялда Америкалъул Джорджия штаталда. Гьелъие букIун буго 116 сон. Гиннесил цIаралда бугеб «Рекордазул тIахьил» баяназда рекъон, гьей гьаюн йиго Теннессиялда 1896 соналъул 26 августалда. Гьелъул букIун буго ункъго лъимерги 12 лъималазул лъимерги.
Бэсс Купер хун хадуб дунялалда бищунго санал гIемерав чи абураб титул щун буго Дине Манфрединихъе – гьей йиго италиялдаса американияй. Жакъа гьелъие буго 115 сон.