Ираналде данде Америкалъ цIиял санкциял ургъулел руго.

Америкалъул Сенаталъул хиял буго Ираналде данде цIиял санкциял лъазариялъул суал дандбазе. Гьединал санкцияздалъун Цолъарал Штатаз къасд гьабулеб буго Ираналъул ядерияб программа чIезабизе.

ЦIиял санкциял аслияб къагIидаялда хурхарал руго Ираналъул энергетикияб системаялда ва ралъдал транспорталъул хIалтIуда.

Цересел санкцияз кIудияб зарал гьабуна Ираналъул нартил экспорталъе амма гьелдалъун Тегераналъул атомияб программа чIезабизе Магърибалда квечIо.