Инсанасул ихтиярал цIунулез бицунелда рекъон цебеялде дандеккун ахираб заманалда захIмалъулеб буго рикъарал гIадамал рачун араб бакI лъазабизе. Рикъаразул гIагарлъиялда ракIалда буго гьал къоязда тахшагьаралде къватIире рахъине.
Итни къоялъул лъугьа-бахъин ккун буго тахшагьаралъул «Буран» абулеб рестораналда цебе сагIат цо тIубалеб гIужалъ. Такъсир гьабулел бихьарал гIадамаз ахIун бачIанин жиндихъейилан бицана «Эркенлъи» радиоялъе «Правозащита» абураб инсанасул ихтиярал цIунулеб гIуцIиялъул хIаракатчIужу Рустамова Гульнараца.
ТIад номералги гьечIеб, хъахIаб кьералъул цIияб «Приора» автомобилалда жанисан къватIиреги рачIун чанго чияс вачун ун вуго гьев гIолохъанчи. АскIор рукIараз хIалбихьун буго гьезие квал-квал гьабизе, амма гьал аскIоре гIагарлъилалдего автомобиль хехаб куцалъ гьеб бакIалдаса хъамун ун буго низам цIунулезул мина бугеб рахъалдехун балагьун. Дагьаб заманалдсан гьеб автомобиль гьебго бакIалде нахъбуссунги бачIун буго.
Гьаб параялда жанибго нижеца мисалалъе прокуратураялде яги цIех-рехалъулаб идараялде ахIанигицин гьеб гIададисеб хIалтIи бугин, щайгурелъул лъаларин, гьеб хIужаялъул хIакъалъулъ кинал ругониги баянал гьечIин жидехъан гьез абизе бугеблъи ракIчIараб хабар кколилан абуна Гульнараца.
Инсанасул ихтиярал цIунулелъ гьединго бицана дагьаб цебегIан ккараб гьединабго цоги хIужаялъул хIакъалъулъги. ГIага-шагарго лъабго анкьалъ цебе гьадинабго куцалъ ахIун бачIун буго гьелъухъе лъабго гIолохъанчи викъун анилан абун. Лъабалго гьел ратун руго Киров мухъалъул жанисел ишазул идараялъур.
Гульнара Рустамовалъул рагIабазда рекъон республикаялда гIадамал рикъиялъул хIужаби бищунго цIикIкIун руго Жанубияб Дагъистаналда, гьединго МахIачахъалаялдаги Гъизляралдаги. Амма гьелъ тIаде жубана цебеялда дандеккун захIмалъулеб бугин рикъарал ругеб бакI лъазабизе:
Рустамова Гульнара: «Жакъа къоялъги гIемерал кколел руго республикаялда гIадамал рикъиялъул хIужаби, амма цебе гьезул хIакъалъулъ кинаб букIаниги баян щолеб букIун батаниги жакъа гьеб щвезе цIакъ захIмат буго, лъаларо кире гьел рачун унел ругелали, цере гIадин жанисел ишазул идараялдаги гьел ратулел гьечIо.
Абизе ккола гьабсагIаталъ республикаялда гIемер руго бакI-бакIалдасан рачIарал рагъухъабиги, лъаларо рагъулаб базаяладейищ гьел рачун унел, ялъуни гьелда релъарал,бухьен гьабун бажаруларел бакIаздейищали».
Рикъараздасан щвараб баяналда рекъон гьеб такъсир гьабулезда гьоркьор дагьал ратулел гьечIо гIурус миллаталъул чагIиги. Гульнара Рустамовалъ бицунелда рекъон къотIнов ватарав цевеккарав чиги гьез вачунаро, викъулев вугонигицин гьез валагьулин жидеего къваригIарав пуланав чиясул хIакъалъулъ баян кьезе кIолилан жидерго щаклъи ккарав чи.
ХIал гьабун жинцаго бицаралда гъоркь гъулбасизеги тIамун, разилъичIони гьев чиги араб мухъ рахъ лъачIого тIагIунев вугилан бицана инсанасул ихтиярал цIунулелъ хадубги:
Рустамова Гульнара: «Дида бичIчIуларо жакъа тIалъиялъ гьабулеб политикаялъул магIна. Цин бугони гьез тIалаб гьабулеб буго рохьоре унел гIолилал гьукъизе кколилан, цогияб рахъалъ балагьани гьадинаб инжитаб куцалъ къоги гьикъулеб буго расги гIайиб гьечIел чагIазе, оперативиял баяназда рекъониланги абун викъулев вуго гьез чи, зулму гьабизелъун.
БакI ккун букIаго абилин ахираб заманалда хасал операцаязда чIварал гIадамазул жаназаби рукъизе гIагаразухъе нахъеги кьолел гьечIо гьез, щайин абуни жидецаго гьев чиясе гьикъараб къоялъул лъалкI тIатинчIого букIине .
Хварасул гIагарлъиялда гьев жидерго вукIин лъанигицин гьев нахъе кьоларо гьез, цохIо гьеб тадбир гIолариланги абун инкар гьабулеб буго, кинабалиго ДНК гьабизе кколилан багьанаги батун. Гьеб ДНК ялъул хIасил щвезе абуни балеб буго чанго моцI, гьелдаса хадуб абуни кьабун вукIун ватанигицин гьеб чIезабизе кIвезе гьечIо, щай гурелъул хварасул сипат сурат хисун букIине буго».
Инсанасул ихтиярал цIунулеб «Мемориал» гIуцIиялдаса Елена Денисенкоца абуна «Эркенлъи» радиоялъе гьезул идараялде ахираб моцIида жаниб гIадамал рикъиялъул гIарзагун гIицIго цо чи вачIанин, гьединго цохIо чи вачIун вукIанин араб моцIида, амма жидер идараялде гIемерал гIарзал рачIинчIониги гьеб тайпаялъул хIужаби республикаялда цIикIкIунел рукIин тасдикъ гьабуна гьелъги.
Араб 2011 соналде дандеккун республикаялда рикъарал гIадамазул къадар исан май моцIалдаго цIикIкIун букIанилан абуна Еленаца хадубги. Гьелъул хIакъалъулъ инсанасул ихтиярал цIунулел вакилзаби гIахьалъараб, Москваялда тIобитIараб пресс- конференциялдаги бицун букIанин, амма 2012 соналъ рикъарал гIадамазул хIакъикъияб къадар лъалеб гьечIоан гьелда.
Гьединго арал гIодоркъояз Гъизилюрт шагьаралдаги викъун вуго чи. Нижехъе шварал баяназда рекъон тIадекIанцIи гьабураз бачун ун буго викъарасул автомобильги, гьединго бахъун буго 60 азарго гъуруш гIарацги. Рикъаразул гIагарлъиялда ракIалда буго арбагI къоялъ МахIачахъалаялда митинг тIобитIизе.
Итни къоялъул лъугьа-бахъин ккун буго тахшагьаралъул «Буран» абулеб рестораналда цебе сагIат цо тIубалеб гIужалъ. Такъсир гьабулел бихьарал гIадамаз ахIун бачIанин жиндихъейилан бицана «Эркенлъи» радиоялъе «Правозащита» абураб инсанасул ихтиярал цIунулеб гIуцIиялъул хIаракатчIужу Рустамова Гульнараца.
ТIад номералги гьечIеб, хъахIаб кьералъул цIияб «Приора» автомобилалда жанисан къватIиреги рачIун чанго чияс вачун ун вуго гьев гIолохъанчи. АскIор рукIараз хIалбихьун буго гьезие квал-квал гьабизе, амма гьал аскIоре гIагарлъилалдего автомобиль хехаб куцалъ гьеб бакIалдаса хъамун ун буго низам цIунулезул мина бугеб рахъалдехун балагьун. Дагьаб заманалдсан гьеб автомобиль гьебго бакIалде нахъбуссунги бачIун буго.
Гьаб параялда жанибго нижеца мисалалъе прокуратураялде яги цIех-рехалъулаб идараялде ахIанигицин гьеб гIададисеб хIалтIи бугин, щайгурелъул лъаларин, гьеб хIужаялъул хIакъалъулъ кинал ругониги баянал гьечIин жидехъан гьез абизе бугеблъи ракIчIараб хабар кколилан абуна Гульнараца.
Инсанасул ихтиярал цIунулелъ гьединго бицана дагьаб цебегIан ккараб гьединабго цоги хIужаялъул хIакъалъулъги. ГIага-шагарго лъабго анкьалъ цебе гьадинабго куцалъ ахIун бачIун буго гьелъухъе лъабго гIолохъанчи викъун анилан абун. Лъабалго гьел ратун руго Киров мухъалъул жанисел ишазул идараялъур.
Гульнара Рустамовалъул рагIабазда рекъон республикаялда гIадамал рикъиялъул хIужаби бищунго цIикIкIун руго Жанубияб Дагъистаналда, гьединго МахIачахъалаялдаги Гъизляралдаги. Амма гьелъ тIаде жубана цебеялда дандеккун захIмалъулеб бугин рикъарал ругеб бакI лъазабизе:
Рустамова Гульнара: «Жакъа къоялъги гIемерал кколел руго республикаялда гIадамал рикъиялъул хIужаби, амма цебе гьезул хIакъалъулъ кинаб букIаниги баян щолеб букIун батаниги жакъа гьеб щвезе цIакъ захIмат буго, лъаларо кире гьел рачун унел ругелали, цере гIадин жанисел ишазул идараялдаги гьел ратулел гьечIо.
Абизе ккола гьабсагIаталъ республикаялда гIемер руго бакI-бакIалдасан рачIарал рагъухъабиги, лъаларо рагъулаб базаяладейищ гьел рачун унел, ялъуни гьелда релъарал,бухьен гьабун бажаруларел бакIаздейищали».
Рикъараздасан щвараб баяналда рекъон гьеб такъсир гьабулезда гьоркьор дагьал ратулел гьечIо гIурус миллаталъул чагIиги. Гульнара Рустамовалъ бицунелда рекъон къотIнов ватарав цевеккарав чиги гьез вачунаро, викъулев вугонигицин гьез валагьулин жидеего къваригIарав пуланав чиясул хIакъалъулъ баян кьезе кIолилан жидерго щаклъи ккарав чи.
ХIал гьабун жинцаго бицаралда гъоркь гъулбасизеги тIамун, разилъичIони гьев чиги араб мухъ рахъ лъачIого тIагIунев вугилан бицана инсанасул ихтиярал цIунулелъ хадубги:
Рустамова Гульнара: «Дида бичIчIуларо жакъа тIалъиялъ гьабулеб политикаялъул магIна. Цин бугони гьез тIалаб гьабулеб буго рохьоре унел гIолилал гьукъизе кколилан, цогияб рахъалъ балагьани гьадинаб инжитаб куцалъ къоги гьикъулеб буго расги гIайиб гьечIел чагIазе, оперативиял баяназда рекъониланги абун викъулев вуго гьез чи, зулму гьабизелъун.
БакI ккун букIаго абилин ахираб заманалда хасал операцаязда чIварал гIадамазул жаназаби рукъизе гIагаразухъе нахъеги кьолел гьечIо гьез, щайин абуни жидецаго гьев чиясе гьикъараб къоялъул лъалкI тIатинчIого букIине .
Хварасул гIагарлъиялда гьев жидерго вукIин лъанигицин гьев нахъе кьоларо гьез, цохIо гьеб тадбир гIолариланги абун инкар гьабулеб буго, кинабалиго ДНК гьабизе кколилан багьанаги батун. Гьеб ДНК ялъул хIасил щвезе абуни балеб буго чанго моцI, гьелдаса хадуб абуни кьабун вукIун ватанигицин гьеб чIезабизе кIвезе гьечIо, щай гурелъул хварасул сипат сурат хисун букIине буго».
Инсанасул ихтиярал цIунулеб «Мемориал» гIуцIиялдаса Елена Денисенкоца абуна «Эркенлъи» радиоялъе гьезул идараялде ахираб моцIида жаниб гIадамал рикъиялъул гIарзагун гIицIго цо чи вачIанин, гьединго цохIо чи вачIун вукIанин араб моцIида, амма жидер идараялде гIемерал гIарзал рачIинчIониги гьеб тайпаялъул хIужаби республикаялда цIикIкIунел рукIин тасдикъ гьабуна гьелъги.
Араб 2011 соналде дандеккун республикаялда рикъарал гIадамазул къадар исан май моцIалдаго цIикIкIун букIанилан абуна Еленаца хадубги. Гьелъул хIакъалъулъ инсанасул ихтиярал цIунулел вакилзаби гIахьалъараб, Москваялда тIобитIараб пресс- конференциялдаги бицун букIанин, амма 2012 соналъ рикъарал гIадамазул хIакъикъияб къадар лъалеб гьечIоан гьелда.
Гьединго арал гIодоркъояз Гъизилюрт шагьаралдаги викъун вуго чи. Нижехъе шварал баяназда рекъон тIадекIанцIи гьабураз бачун ун буго викъарасул автомобильги, гьединго бахъун буго 60 азарго гъуруш гIарацги. Рикъаразул гIагарлъиялда ракIалда буго арбагI къоялъ МахIачахъалаялда митинг тIобитIизе.