16 ноябралда тIубана лъабго сон Москваялъул цIех-рехалъул изоляторалда юрист Сергея Магнитский хваралдаса. Гьелда бан, Америкалъул Конгрессалъ къабул гьабизе буго «Магнитскиясул акт» абулеб документ. Гьелда рекъон, юрист хвеялде гIахьаллъи бугеб россиялъул хъулухъчагIазде данде гьаризе руго санкциял. Россиялъул къватIисел ишазул министерлъиялъ лъазабулеб буго гьединаб акт къабул гьабиялъул Москвагун Вашингтоналъул гьоркьорлъаби хвезаризе ругин.