Сириялъул оппозициялъул коалиция лигитимияблъун рикIкIунеб буго Франциялъ

Франциялъ официалияб куцалда лъазабуна дагьаб цебегIан гIуцIараб Сириялъул оппозиционияб коалициялъул рахъ кколеб букIиналъул ва гьеб сириялъул халкъалъул цого-цо лигитимияб идаралъун рикIкIунеб букIиналъул.
Гьедин Франция ккана гьеб хIукму рагьун загьир гьабураб магърибалъул улкабазул тIоцебесеблъун. Амма гьелда цебе Франциялъул улкацIуниялъул министрелъиялъ лъазабун букIана Сириялда ругелщинал рагъулал къукъабазда тIад гьеб коалициялъ контроль чIезабизегIан гьеб лигитимияблъун рикIкIине ригьалда бугин.