Интерполалъ валагьулев вукIарав гьесда гIунтIизабулеб буго Хасавюрт мухъалъул администрациялъул нухмалъулевлъун вукIарав Алхаматов ГIалимсултIан чIваялъулъ гIахьаллъи абулеб гIайиб. Россиялъул Жанисел ишазул министерлъиялъул сайталда лъазабулеб буго гьев гьанже Москваялда бугеб цIех-рехалъул изоляторалда жанив тIамун вугин. 2009 соналдаса ГIарабазул Цолъарал Эмиратазда гIумру гьабулев вукIарав ГIумаханов Хiабиб ккун вукIана исана июнь моцIалда Алманиялда.