ГIиракъалъ Россиялъулгун гьабураб къотIиялдаса инкар гьабуна.

ГIиракъалъ инкар гьабун буго Россиялъул ярагъ ва рагъулаб техника бичун босиялда хурхараб цебе гьабураб къотIи-къаялдаса. Гьеб къотIиялъул багьа ункъго миллиард долларалде бахунеб буго.

ГIиракъалъул премьер-министрасул пресс-хъулухъалъ лъазабулеб буго гьадинаб хIукму гьабун бугин ришватчилъиялда шаклъи ккун.

Араб анкьида Россиялъул президент Владимир Путиница улка цIуниялъул министр Анатолий Сердюков хъулухъалдаса эркен гьавуна ва гьесул бакIалде Сергей Шойгу тIамуна.