2012 соналъул 23 октябралда тIубала 10 сон Дубровка театралияб централда теракт байбихьаралдаса. Гьениб «Норд-Ост» абулеб мюзикл унаго гIоркьлъалие восун вукIана артисталгун балагьизе рачIаразул 900-ялдаса цIикIкIун чи.
26 октября Россиялъул ФСБялъул хасал къуватаз гьабураб гьужумалъул хIасилалда чIван рукIана киналго террористал. Гьединго хун вукIана 130 гъоркьлъалие восун вукIарав чиги, гьездаго гьоркьоб 10 лъимерги.
ЖамгIиял гIуцIабаз ва инсанасул ихтиярал цIунулез гIемер какана нухмалъи ва хасго президент Владимир Путин гьеб операциялъухъ. Гьез кIвар буссинабулеб букIана гIадатияб халкъалъул гIемерисел, террористал кIотинариялъул мурадалда жанибе биччараб щибали лъалареб газалъ операциялда лъугIун хадуб гъанкъун рукIиналде. Гьединго гьез абулеб букIана гьеб газалъ кьижирарурал гIадамал рорчIизаризе ва гьезул чорхолъа газалъул лъалкIал тIагIинаризе дару букIинчIолъиялде ва гьеб операция кколеб хIадурлъи гьечIого гьабураб букIиналде. Гьениб хIалтIизабураб газалъул формала жегиги лъалеб гьечIо.
26 октября Россиялъул ФСБялъул хасал къуватаз гьабураб гьужумалъул хIасилалда чIван рукIана киналго террористал. Гьединго хун вукIана 130 гъоркьлъалие восун вукIарав чиги, гьездаго гьоркьоб 10 лъимерги.
ЖамгIиял гIуцIабаз ва инсанасул ихтиярал цIунулез гIемер какана нухмалъи ва хасго президент Владимир Путин гьеб операциялъухъ. Гьез кIвар буссинабулеб букIана гIадатияб халкъалъул гIемерисел, террористал кIотинариялъул мурадалда жанибе биччараб щибали лъалареб газалъ операциялда лъугIун хадуб гъанкъун рукIиналде. Гьединго гьез абулеб букIана гьеб газалъ кьижирарурал гIадамал рорчIизаризе ва гьезул чорхолъа газалъул лъалкIал тIагIинаризе дару букIинчIолъиялде ва гьеб операция кколеб хIадурлъи гьечIого гьабураб букIиналде. Гьениб хIалтIизабураб газалъул формала жегиги лъалеб гьечIо.