Эрменазул боржаро рештIизабун буго Туркиялда

Эрмениялъул къватIисел ишазул министерлъиялъ лъазабухъе Сириялде боржун унеб букIараб аэроплан Туркиялъул Эрзерум шагьаралъул аэропортладе рештIизабун букIанин цебеккунго гьабураб къотIи-къаялда рекъон. Аэропланалда чIухь бан букIана Туркиялъул хъулухъчагIаз.

Эрменазул рехсараб министерлъиялъул вакиласул рагIабазда рекъон Сириялде боржун унеб букIараб аэропланалда букIун буго Алеппо шагьаралда гIумру гьабулел эрменазул диаспоралъе хIажатаб гуманитарияб юк.