Pussy Riot абулеб панк-къукъаялъул адвокатал гIажаиблъизарун руго гьез цIунулезул цояй – Екатерины Самуцевичица – адвокатаздаса инкар гьабиялъ.
Адвокат Николай Полозовас нахъ чIвалеб гьечIо гьединаб хIукму тIадецуялда гъоркь гьабураб батизе бегьи. Гьесул рагIабазда рекъон, ясазе тIадецуй гьабулеб букIана процесс байбихьаралдаса нахъего. Масала Надежда Толоконниковалъе кьолел рукIун руго лъимер гьелъухъа бахъилин хIинкъаби.
Pussy Riotалъул цоги адвокат Марк Фейгиница абуна Самуцевичил хIукмуялде балагьун, гьанже цоги ясал цIуниялъул стратегияги хисизабизе кколин. Хулиганлъиялъул гIайиб гIунтIизабулел гьел лъабазего кьун буго туснахъалъул кIиго сон.
Итни къоялда Москваялъул шагьаралъул диваналъ хIукму къотIизе кколеб букIана гьезул кассациялъулаб гIарзаялда тIасан. Амма «позициял данде кколел гьечIин» абун Самуцевичица адвокатаздаса инкар гьабун хадуб диваналъул процесс I0 октябралде нахъе бахъун буго.
Адвокат Николай Полозовас нахъ чIвалеб гьечIо гьединаб хIукму тIадецуялда гъоркь гьабураб батизе бегьи. Гьесул рагIабазда рекъон, ясазе тIадецуй гьабулеб букIана процесс байбихьаралдаса нахъего. Масала Надежда Толоконниковалъе кьолел рукIун руго лъимер гьелъухъа бахъилин хIинкъаби.
Pussy Riotалъул цоги адвокат Марк Фейгиница абуна Самуцевичил хIукмуялде балагьун, гьанже цоги ясал цIуниялъул стратегияги хисизабизе кколин. Хулиганлъиялъул гIайиб гIунтIизабулел гьел лъабазего кьун буго туснахъалъул кIиго сон.
Итни къоялда Москваялъул шагьаралъул диваналъ хIукму къотIизе кколеб букIана гьезул кассациялъулаб гIарзаялда тIасан. Амма «позициял данде кколел гьечIин» абун Самуцевичица адвокатаздаса инкар гьабун хадуб диваналъул процесс I0 октябралде нахъе бахъун буго.