Кениялъул килисаялде граната рехун буго.

Кениялъул тахшагьар Найробиялда бугеб килисаялде кьвагьулеб алат рехун букIана доба гьатIан къоялъул мактабалъул цIалдохъабазе динияб хъулухъ гьабулеб мехалда.

Гьеб теракталъул жавабчилъи жеги лъицаниги жидеда тIад босичIо.

Исана июль моцIалда Кениялъул Гарисса абулеб мухъалда ругел килисабазде шалали лъаларез гьужумал гьарун, 15 чи чIван вуго.

БакIалъулаб полициялъ абулеб букIана батизе бегьула гьел такъсирал «Аш-Шабаб» абулеб радикалиял бусурбабазул гIуцIиялъул рахъ ккураз гьарунин.