Белоруссиялъул квершеллъиялъ Интернеталде гьабулеб цIияб тIадецуй

Европаялда рекъон хIалтIи гьабиялъул ва хIинкъи гьечIолъи цIуниялъул гIуцIиялъ жиндир рахIат гьечIолъи загьирабун буго Белоруссиялда оппозициониял интернет-сайтазул администраторал кквеялда бан.

Рехсараб гIуцIиялда цебе бугеб цIиял харбал тIиритIизарулел алатазул эркенлъиялъул суалазул рахъалъан идараялъул бетIер Дуня Миятовичица талат къоялъ абуна гьел арестал кколила Интернеталда квершеллъиялъ гьабулеб тIадецуялъул цIияб къагIида.